കേന്ദ്രം ബില്ലുകള്‍ ചുട്ടെടുക്കുന്നു-മന്ത്രി എം. എം മണി

തിരുവനന്തപുരം: പാര്‍ലമെന്റില്‍ വിശദമായ ചര്‍ച്ചകളില്ലാതെ ബില്ലുകള്‍ പാസാക്കുന്നതിനെ വിമര്‍ശിച്ച് സംസ്ഥാന വൈദ്യുത വകുപ്പ് മന്ത്രി എംഎം മണി. ബില്ലുകള്‍ ചുട്ടെടുക്കുകയാണെന്നാണ് അദ്ദേഹം പറഞ്ഞത്. ഫാസിസത്തിനെതിരേ ചെറുത്തുനില്‍പ്പല്ലാതെ മാര്‍ഗ്ഗമില്ലെന്നും അദ്ദേഹം കൂട്ടിച്ചേര്‍ക്കുന്നു

ഫെയ്‌സ്ബുക്ക് കുറിപ്പിന്റെ പൂര്‍ണ്ണരൂപം

'ചുട്ടെടുക്കുകയാണ്;

ചക്കക്കുരുവല്ല, ബില്ലുകളാണ്.

ചര്‍ച്ചയില്ലാതെ, സ്റ്റാന്റിംഗ് കമ്മിറ്റിക്ക് വിടാതെ,

പാതി വെന്തതും, വേവാത്തതുമൊക്കെ

ഒന്നൊന്നായി ചുട്ടെടുക്കുകയാണ്.

പാര്‍ലമെന്റ് തന്തൂരി അടുപ്പായി മാറുന്നു.

ജനാധിപത്യം നോക്കുകുത്തിയായി മാറുന്നു .

ഫാസിസം ഇങ്ങിനെയും കടന്നുവരും.

ചെറുത്തുനില്‍പ്പല്ലാതെ മാര്‍ഗ്ഗമില്ല.'