ഓണ്ലൈന് ചികിൽസാ സഹായത്തിന്റെ മറവിൽ തട്ടിപ്പ്; കര്ശന നടപടി വേണമെന്ന് ആരോഗ്യവകുപ്പ്
സമൂഹ മാധ്യമങ്ങളിലൂടെ നടക്കുന്ന സഹായ അഭ്യര്ത്ഥനകളിലൂടെയുള്ള തട്ടിപ്പുകളെ തുറന്ന് കാട്ടേണ്ടതുണ്ട്. ഇത്തരക്കാര്ക്കെതിരെ കര്ശന നടപടികള് സ്വീകരിക്കാന് ബന്ധപ്പെട്ടവര്ക്ക് നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
തിരുവനന്തപുരം: ഓണ്ലൈന് ചികിൽസാ സഹായം അഭ്യര്ത്ഥിച്ച് പണം തട്ടിയെടുക്കുന്ന സംഘം സംസ്ഥാനത്ത് പ്രവര്ത്തിക്കുന്നതായ റിപ്പോര്ട്ടിനെ തുടര്ന്ന് അന്വേഷിച്ച് നടപടി സ്വീകരിക്കണമെന്ന് അഭ്യര്ഥിച്ച് ആരോഗ്യമന്ത്രി കെ കെ ശൈലജ മുഖ്യമന്ത്രിക്ക് കത്ത് നല്കി. സമൂഹ മാധ്യമങ്ങളിലൂടെ നടക്കുന്ന സഹായ അഭ്യര്ത്ഥനകളിലൂടെയുള്ള തട്ടിപ്പുകളെ തുറന്ന് കാട്ടേണ്ടതുണ്ട്. ഇത്തരക്കാര്ക്കെതിരെ കര്ശന നടപടികള് സ്വീകരിക്കാന് ബന്ധപ്പെട്ടവര്ക്ക് നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
ഗുരുതര രോഗബാധിതരായവര്ക്കും ഭാരിച്ച ചികിൽസാ ചെലവുകള് ആവശ്യമായി വരുന്നവര്ക്കും സഹായം എത്തിക്കാനായാണ് സര്ക്കാര് തന്നെ വി കെയര് പദ്ധതി ആവിഷ്ക്കരിച്ചിട്ടുള്ളത്. പാവപ്പെട്ട നിരവധി ആളുകള്ക്കാണ് ഈ പദ്ധതിയിലൂടെ സഹായം നല്കി വരുന്നത്. സര്ക്കാരിന്റെ തുകയോടൊപ്പം പൊതുജനങ്ങളുടെ സഹായത്തോടെയാണ് വി കെയര് പ്രവര്ത്തിക്കുന്നത്. പാവപ്പെട്ട ആളുകളെ സഹായിക്കാന് സന്മസുള്ളവര് ധാരാളമുണ്ട്. അവര് സംഭാവന നല്കുന്ന തുക അര്ഹിക്കുന്ന ആളുകളില് എത്തിക്കാന് വി കെയര് സഹായിക്കുമെന്നും മന്ത്രി വ്യക്തമാക്കി.
സാമൂഹ്യ സുരക്ഷാമിഷന്റെ വി കെയര് പദ്ധതിയിലേക്ക് ലഭിക്കുന്ന സംഭാവനകള് പൂര്ണമായും സുതാര്യമാണ്. ഈ പദ്ധയിലേക്ക് ചികിത്സാ സഹായത്തിനായുള്ള അപേക്ഷകള് പരിശോധിക്കുകയും രോഗികളുടെ രോഗാവസ്ഥയെക്കുറിച്ച് മെഡിക്കല് ബോര്ഡ് പരിശോധിക്കുകയും ചെയ്താണ് ചികിൽസ ലഭ്യമാക്കുന്നത്. അപേക്ഷകരുടെ സാമ്പത്തിക അവസ്ഥകൂടി പരിഗണിച്ചാണ് അര്ഹരായവര്ക്ക് സഹായം എത്തിക്കുന്നത്.
വിദേശത്ത് നിന്നുള്ളവര്ക്ക് ഉള്പ്പെടെ വി കെയറിലേക്ക് സംഭാവന നല്കാന് കഴിയുന്ന എഫ്സിആര്എ രജിസ്ട്രേഷനുള്ള ബാങ്ക് അക്കൗണ്ടാണ് നിലവിലുള്ളത്. സംഭാവനകള്ക്ക് നിയമാനുസൃതമായ നികുതി ഇളവ് ഉണ്ട്. സാമൂഹ്യ സുരക്ഷാ മിഷന്റെ ഓണ്ലൈന് പേയ്മെന്റ് ഗേറ്റ് വേ വഴിയും സംഭാവനകള് നല്കാവുന്നതാണ്. (http://www.socialsecuritymission.gov.in). വിദേശത്തുള്ളവര് കറണ്ട് അക്കൗണ്ട്നമ്പര് 32571943287, എസ്ബിഐ സ്റ്റാച്യൂ ബ്രാഞ്ച്, IFSC SBIN0000941, തിരുവനന്തപുരം എന്ന അക്കൗണ്ടിലേക്കും ഇന്ത്യക്ക് അകത്തുള്ളവര് എസ്ബി അക്കൗണ്ട് നമ്പര് 30809533211, എസ്ബിഐ സ്റ്റാച്യൂ ബ്രാഞ്ച് തിരുവനന്തപുരം എന്ന അക്കൗണ്ടിലേക്കും സംഭാവനകള് നൽകാം. കൂടാതെ ഡിഡിയായും ചെക്കായും മണിയോര്ഡറായും സംഭാവനകള് നൽകാം.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
