കഞ്ചാവുമായി പുതുമുഖ നടനും ക്യാമറമാനും പിടിയില്‍

കൊച്ചി: കഞ്ചാവുമായി പുതുമുഖ നടനായ കോഴിക്കോട് സ്വദേശിയുമായ മിഥുന്‍, ക്യാമറാമാന്‍ ബെംഗളൂരു സ്വദേശി വിശാല്‍ വര്‍മ എന്നിവര്‍ എക്‌സൈസിന്റെ പിടിയിലായി. ഷൂട്ടിങ് സെറ്റുകളില്‍ കഞ്ചാവ് എത്തിക്കുന്നവരെക്കുറിച്ച് ലഭിച്ച പരാതിയുടെ അടിസ്ഥാനത്തില്‍ നടത്തിയ പരിശോധനയിലാണ് ഇവര്‍ പിടിയിലായതെന്നു എക്‌സൈസ് അധികൃതര്‍ അറിയിച്ചു. കൊച്ചി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടിഎസ്ശശികുമാറിന്റെ നേതൃത്വത്തിലായിരുന്നു പരിശോധന. പ്രിവന്റീവ് ഓഫിസര്‍ ടോണി കൃഷ്ണ, സിവില്‍ എക്‌സൈസ് ഓഫിസര്‍മാരായ ജയറാം, സെയ്ദ്, റിയാസ്, വനിതാ സിവില്‍ എക്‌സൈസ് ഓഫിസര്‍ സജിത എന്നിവര്‍ പരിശോധനയില്‍ പങ്കെടുത്തു.