ഓപ്പറേഷന് പി ഹണ്ട്:ആറ് പേര് കൂടി പിടിയില്;23 പേര്ക്കെതിരെ കേസ്
ചെങ്ങമനാട് സ്വദേശി സുഹൈല് ബാവ ( 20), ആലുവ അസാദ് റോഡില് ഹരികൃഷ്ണന് (23), നേര്യമംഗലം സ്വദേശി സനൂപ് (31), പെരുമ്പാവൂര് മുടിക്കല് വാടകയ്ക്ക് താമസിക്കുന്ന മുഹമ്മദ് അസ്ലം (23) ഇതര സംസ്ഥാന തൊഴിലാളിയായ മുഹമ്മദ് ഇസ്ലാം (20), കാലടി നടുവട്ടം സ്വദേശി ബിജു അഗസ്തി (42), എന്നിവരാണ് എറണാകുളം റൂറല് പോലിസിന്റെ പിടിയിലായത്. ഇവരില് നിന്ന് മൊബൈല് ഫോണുകളും അനുബന്ധ ഉപകരണങ്ങളും പിടിച്ചെടുത്തതായി പോലിസ് പറഞ്ഞു
കൊച്ചി: ഓപ്പറേഷന് പി ഹണ്ടിന്റെ ഭാഗമായി നടന്ന പരിശോധനയില് എറണാകുളം റൂറല് ജില്ലയില് ആറ് പേരെ അറസ്റ്റ് ചെയ്തു. ഇരുപത്തി മൂന്ന് പേര്ക്കെതിരെ കേസെടുത്തു. ചെങ്ങമനാട് സ്വദേശി സുഹൈല് ബാവ ( 20), ആലുവ അസാദ് റോഡില് ഹരികൃഷ്ണന് (23), നേര്യമംഗലം സ്വദേശി സനൂപ് (31), പെരുമ്പാവൂര് മുടിക്കല് വാടകയ്ക്ക് താമസിക്കുന്ന മുഹമ്മദ് അസ്ലം (23) ഇതര സംസ്ഥാന തൊഴിലാളിയായ മുഹമ്മദ് ഇസ്ലാം (20), കാലടി നടുവട്ടം സ്വദേശി ബിജു അഗസ്തി (42), എന്നിവരാണ് എറണാകുളം റൂറല് പോലിസിന്റെ പിടിയിലായത്. ഇവരില് നിന്ന് മൊബൈല് ഫോണുകളും അനുബന്ധ ഉപകരണങ്ങളും പിടിച്ചെടുത്തതായി പോലിസ് പറഞ്ഞു.
കുട്ടികള് ഉള്പ്പെട്ട നഗ്ന വീഡിയോകളും, ചിത്രങ്ങളും കാണുക, പ്രചരിപ്പിക്കുക, സൂക്ഷിച്ചുവയ്ക്കുക, ഡൗണ്ലോഡ് ചെയ്യുക എന്നിവ ചെയ്യുന്നവരെ നിയമ നടപടിക്ക് വിധേയമാക്കുന്നതാണ് ഓപ്പറേഷന് പി ഹണ്ട്. ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തില് മൂന്നു സ്ക്വാഡുകളായി തിരിഞ്ഞ് ആലുവ ,പെരുമ്പാവൂര് , മൂവാറ്റുപുഴ സബ് ഡിവിഷനുകളിലെ അമ്പത്തിരണ്ട് ഇടങ്ങളിലാണ് പരിശോധന നടത്തിയത്. പുലര്ച്ചെ തുടങ്ങിയ റെയ്ഡ് വൈകിയും തുടരുകയാണ്.
കേസില് ഉള്പ്പെട്ടവര് സൈബര് സെല്ലിന്റെ നിരീക്ഷണത്തിലായിരുന്നു. വരും ദിവസങ്ങളില് കൂടുതല് പേരെ അറസ്റ്റ് ചെയ്യുമെന്ന് എസ് പി കെ കാര്ത്തിക് പറഞ്ഞു. സി ഐ മാരായ സി ജയകുമാര്, എം ബി ലത്തീഫ് , കെ ആര് മനോജ്, പി എം ബൈജു, കെ ജി ഗോപകുമാര്, ഋഷികേശന് നായര് , എ എസ് ഐ ബോബി കുര്യാക്കോസ്, സി.പി.ഒ മാരായ രാഹുല് കെ.ആര്, ലിജോ ജോസ്, ഷിറാസ് അമിന്, അയ്നിഷ് പി.എസ്, രതീഷ് സുഭാഷ് എന്നിവരാണ് അന്വേഷണ സംഘത്തിലുണ്ടായിരുന്നത്.
RELATED STORIES
അബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഇന്ത്യൻ ഇസ്ലാഹി സെന്റർ ഇന്റർനാഷനൽ എക്സിബിഷൻ ജിദ്ദയിൽ
3 May 2024 12:23 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഅഡ്രിയാന് ലൂണ കേരള ബ്ലാസ്റ്റേഴ്സ് വിടില്ല; ഒരു വര്ഷം കൂടെ കരാര്...
3 May 2024 10:56 AM GMTമാധ്യമപ്രവര്ത്തനം ഇന്നൊരു അപകടകരമായ ജോലിയാണ്....
3 May 2024 10:07 AM GMT