കൊവിഡ് 19: കോഴിക്കോട് ഒരാള്ക്ക് രോഗമുക്തി; 501 പേര് പുതുതായി നിരീക്ഷണത്തില്
ജില്ലയില് രോഗം ഭേദമായവരുടെ ആകെ എണ്ണം 25 ആയി. ഇപ്പോള് 11 കോഴിക്കോട് സ്വദേശികളും കാസര്ഗോഡ്, കണ്ണൂര്, മലപ്പുറം സ്വദേശികളായ ഓരോരുത്തരും കോവിഡ് പോസിറ്റീവായി ചികില്സയിലുണ്ട്.
കോഴിക്കോട്: ജില്ലയില് കൊവിഡ് പോസിറ്റീവായി ചികില്സയിലായിരുന്ന ഒരാള്ക്ക് ഇന്ന് രോഗം ഭേദമായി. നാദാപുരം പാറക്കടവ് സ്വദേശി (78) യുടെ ഫലമാണ് നെഗറ്റീവായത്. മെയ് ഏഴിന് ദുബയില് നിന്നെത്തിയ ഇദ്ദേഹം എന്ഐടി ഹോസ്റ്റലില് നിരീക്ഷണത്തില് കഴിയവെ രോഗലക്ഷണങ്ങള് കണ്ടതിനെ തുടര്ന്ന് 16 ന് മെഡിക്കല് കോളജില് പ്രവേശിപ്പിക്കുകയായിരുന്നു. ഇന്ന് ഫലം നെഗറ്റീവായി. ഇതോടെ ജില്ലയില് രോഗം ഭേദമായവരുടെ ആകെ എണ്ണം 25 ആയി. ഇപ്പോള് 11 കോഴിക്കോട് സ്വദേശികളും കാസര്ഗോഡ്, കണ്ണൂര്, മലപ്പുറം സ്വദേശികളായ ഓരോരുത്തരും കോവിഡ് പോസിറ്റീവായി ചികില്സയിലുണ്ട്.
ഇന്ന് വന്ന 501 പേര് ഉള്പ്പെടെ 5,659 പേര് നിരീക്ഷണത്തിലുള്ളതായി ജില്ലാ മെഡിക്കല് ഓഫിസര് ഡോ. വി ജയശ്രീ അറിയിച്ചു. ഇതുവരെ 25479 പേര് നിരീക്ഷണം പൂര്ത്തിയാക്കിയാക്കി. ഇന്ന് പുതുതായി വന്ന 22 പേര് ഉള്പ്പെടെ 47 പേരാണ് മെഡിക്കല് കോളജ് ആശുപത്രിയില് നിരീക്ഷണത്തിലുള്ളത്. 10 പേര് ആശുപത്രി വിട്ടു. ഇന്ന് 56 സ്രവ സാംപിള് പരിശോധനയ്ക്ക് അയച്ചിട്ടുണ്ട്. ആകെ 3129 സ്രവ സാംപിളുകള് പരിശോധനയ്ക്ക് അയച്ചതില് 3,077 എണ്ണത്തിന്റെ പരിശോധനാ ഫലം ലഭിച്ചു. ഇതില് 3,032 എണ്ണം നെഗറ്റീവ് ആണ്. പരിശോധനയ്ക്കയച്ച സാംപിളുകളില് 52 പേരുടെ ഫലം കൂടി ലഭിക്കാനുണ്ട്. ജില്ലയില് ഇന്ന് വന്ന 135 പേര് ഉള്പ്പെടെ ആകെ 806 പ്രവാസികളാണ് നിരീക്ഷണത്തില് ഉള്ളത്. ഇതില് 352 പേര് ജില്ലാ ഭരണകൂടത്തിന്റെ കൊവിഡ് കെയര് സെന്ററിലും 439 പേര് വീടുകളിലുമാണ്. 15 പേര് ആശുപത്രിയില് നിരീക്ഷണത്തിലാണ്. വീടുകളില് നിരീക്ഷണത്തിലുള്ളവരില് 99 പേര് ഗര്ഭിണികളാണ്.
ആരോഗ്യവകുപ്പ് ഡയറക്ടര് വീഡിയോ കോണ്ഫറന്സിലൂടെ ജില്ലാ കൊറോണ കണ്ട്രോള് സെല്ലിന്റെ പ്രവര്ത്തനം വിലയിരുത്തി. ജില്ലാ മെഡിക്കല് ഓഫിസറുടെ അധ്യക്ഷതയില് ജില്ലാ പ്രോഗ്രാം ഓഫിസര്മാരുടെ യോഗം ചേര്ന്ന് ബ്ലോക്ക് തല പ്രതിരോധപ്രവര്ത്തനങ്ങള് വിലയിരുത്തി. പ്രോഗ്രാം ഓഫിസര്മാര് വിവിധ പ്രാഥമികാരോഗ്യകേന്ദ്രങ്ങള് സന്ദര്ശിക്കുകയും പ്രതിരോധ പ്രവര്ത്തനങ്ങള് വിലയിരുത്തുകയും ചെയ്തു. മാനസികസംഘര്ഷം കുറയ്ക്കുന്നതിനായി മെന്റല് ഹെല്ത്ത് ഹെല്പ്പ് ലൈനിലൂടെ 5 പേര്ക്ക് ഇന്ന് കൗണ്സലിങ് നല്കി. കൂടാതെ 139 പേര്ക്ക് മാനസികസംഘര്ഷം ലഘൂകരിക്കുന്നതിന്റെ ഭാഗമായി ഫോണിലൂടെ സേവനം നല്കി.
RELATED STORIES
കാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMTഅമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMT