നിര്ത്തിയിട്ടിരുന്ന ടോറസ് ലോറിയില് ബൈക്ക് ഇടിച്ച് യുവതിയും യുവാവും മരിച്ചു
ബൈക്ക് യാത്രികരായ ചോറ്റാനിക്കര സ്വദേശി ശ്യാം സുനില് (23), കാക്കനാട് സ്വദേശിനി ശ്രാവണി (19) എന്നിവരാണ് മരിച്ചത്.കൊച്ചി - ധനുഷ്ക്കോടി ദേശീയപാതയില് കരട്ടെ വാളകത്തിനു സമീപമാണ് അപകടമുണ്ടായത്
കൊച്ചി: നിര്ത്തിയിട്ടിരുന്ന ടോറസ് ലോറിക്ക് പിന്നില് ബൈക്ക് ഇടിച്ച് യുവാവും യുവതിയും മരിച്ചു. ബൈക്ക് യാത്രികരായ ചോറ്റാനിക്കര സ്വദേശി ശ്യാം സുനില് (23), കാക്കനാട് സ്വദേശിനി ശ്രാവണി (19) എന്നിവരാണ് മരിച്ചത്.കൊച്ചി - ധനുഷ്ക്കോടി ദേശീയപാതയില് കരട്ടെ വാളകത്തിനു സമീപമാണ് അപകടമുണ്ടായത്.ഇന്ന് പുലര്ച്ചെ അഞ്ചോടെ നടക്കാനിറങ്ങിയ തദ്ദേശവാസികളാണ് ഇരുവരുടേയും മൃതദേഹം റോഡില് കിടക്കുന്നത് കണ്ടത്. അപകടത്തിനുശേഷം ആരാലും ശ്രദ്ധിക്കപ്പെടാതെ ഒരു മണിക്കൂറോളം ഇരുവരും റോഡില് കിടന്നതായാണ് സംശയിക്കുന്നത്.
മൂവാറ്റുപുഴ ഭാഗത്തേക്ക് വരികയായിരുന്ന ബൈക്കാണ് അപകടത്തില്പ്പെട്ടത്. റോഡരികില് നിര്ത്തിയിട്ടിരിക്കുകയായിരുന്നു രണ്ട് ടോറസുകളില് ഒന്നിന്റെ പിന്നില് ബൈക്ക് ഇടിച്ച നിലയിലായിരുന്നു കണ്ടെത്തിയത്. പുലര്ച്ചെ ആയിരുന്നതിനാല് ഇതുവഴി കാര്യമായ വാഹന സഞ്ചാരവും ഉണ്ടായിരുന്നില്ല. യുവാവിന്റെ മുഖത്തും താടിയെല്ലിനും മാരക മുറിവേറ്റിരുന്നു. യുവതിയുടെ കഴുത്തിന് പിന്ഭാഗത്താണ് പരുക്ക്. അപകടവിവരം അറിഞ്ഞയുടന് മൂവാറ്റുപുഴ സ്റ്റേഷനില് നിന്നുള്ള പോലീസ് സംഘം സ്ഥലത്ത് എത്തി ഇന്ക്വസ്റ്റ് തയാറാക്കി. പോസ്റ്റ്മോര്ട്ടത്തിനുശേഷം ഇരുവരുടേയും മൃതദേഹങ്ങള് ബന്ധുക്കള്ക്ക് വിട്ടുനല്കി.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT