വീട്ടുകാര് വഴക്കുപറഞ്ഞതിലെ മനോവിഷമത്തില് വിഷക്കായ കഴിച്ചു; രണ്ടു പെണ്കുട്ടികളിലൊരാള് മരിച്ചു
തലയോലപ്പറമ്പ് സ്വദേശിനിയായ പെണ്കുട്ടിയാണ് മരിച്ചത്. വെള്ളൂര് സ്വദേശിനിയായ പെണ്കുട്ടി കോട്ടയം മെഡിക്കല് കോളജില് ഗുരുതരാവസ്ഥയില് ചികിത്സയിലാണ്.
![വീട്ടുകാര് വഴക്കുപറഞ്ഞതിലെ മനോവിഷമത്തില് വിഷക്കായ കഴിച്ചു; രണ്ടു പെണ്കുട്ടികളിലൊരാള് മരിച്ചു വീട്ടുകാര് വഴക്കുപറഞ്ഞതിലെ മനോവിഷമത്തില് വിഷക്കായ കഴിച്ചു; രണ്ടു പെണ്കുട്ടികളിലൊരാള് മരിച്ചു](https://www.thejasnews.com/h-upload/2022/04/20/189133-r.jpg)
കോട്ടയം: കോട്ടയത്ത് വിഷക്കായ കഴിച്ച് ജീവനൊടുക്കാന് ശ്രമിച്ച പെണ്കുട്ടികളിലൊരാള് മരിച്ചു. തലയോലപ്പറമ്പ് സ്വദേശിനിയായ പെണ്കുട്ടിയാണ് മരിച്ചത്. വെള്ളൂര് സ്വദേശിനിയായ പെണ്കുട്ടി കോട്ടയം മെഡിക്കല് കോളജില് ഗുരുതരാവസ്ഥയില് ചികിത്സയിലാണ്.
വീട്ടുകാര് വഴക്കുപറഞ്ഞതിലുള്ള മനോവിഷമമാണ് ജീവനൊടുക്കാന് കാരണമെന്ന് പോലിസ് സൂചിപ്പിച്ചു. സമൂഹമാധ്യമങ്ങള് വഴിയാണ് പെണ്കുട്ടികള് പരിചയപ്പെട്ടിരുന്നത്. ഇരുവരും ടിക് ടോക് വീഡിയോ അപ് ലോഡ് ചെയ്തിരുന്നു.
ഇതുമായി ബന്ധപ്പെട്ട് വീട്ടുകാര് വഴക്കുപറഞ്ഞതാണ് ആത്മഹത്യയ്ക്ക് പ്രേരിപ്പിച്ചതെന്നാണ് പോലിസ് സൂചിപ്പിക്കുന്നത്. ചികിത്സയിലുള്ള വെള്ളൂര് സ്വദേശിനിയായ പെണ്കുട്ടി പോക്സോ കേസിലെ ഇരയാണ്. വീട്ടുകാര് വഴക്കു പറഞ്ഞ മനോവിഷമത്തില് തിങ്കളാഴ്ചയാണ് വെള്ളൂര് സ്വദേശിനി ഒതളങ്ങ കഴിച്ചത്. തുടര്ന്ന് വിവരം ബന്ധുക്കളെ അറിയിക്കുകയും, ആശുപത്രിയില് ചികിത്സ തേടുകയും ചെയ്തു. കഴിഞ്ഞദിവസം പെണ്കുട്ടിക്ക് ശാരീരിക അസ്വസ്ഥത തോന്നുകയും ഉടന് ആശുപത്രിയിലാക്കുകയുമായിരുന്നു. ഇതിനിടെ വിവരം അറിഞ്ഞ സുഹൃത്തായ പെണ്കുട്ടി ഇന്നലെ രാത്രി വിഷക്കായ കഴിക്കുകയായിരുന്നു എന്നാണ് റിപോര്ട്ടുകള്.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT