മുംബൈയില് കൊവിഡ് ബാധിച്ച് ഒരു പോലിസുകാരന് കൂടി മരിച്ചു
കൊവിഡ് ബാധിച്ച് ചികില്സയിലായിരുന്ന ഇദ്ദേഹത്തെ മുംബൈയിലെ കെഇഎം ആശുപത്രിയിലാണ് പ്രവേശിപ്പിച്ചിരുന്നത്.
മുംബൈ: കൊവിഡ്- 19 വൈറസ് ബാധിച്ച് മുംബൈയില് ഒരു പോലിസുകാരന് കൂടി മരിച്ചു. ഹെഡ് കോണ്സ്റ്റബിള് ശിവാജി നാരായണ് സോനാവാനെ (56) ആണ് മരിച്ചത്. ഇതോടെ മുംബൈയില് കൊവിഡ് ബാധിച്ച് മരിക്കുന്ന പോലിസുകാരുടെ എണ്ണം മൂന്നായി. കൊവിഡ് ബാധിച്ച് ചികില്സയിലായിരുന്ന ഇദ്ദേഹത്തെ മുംബൈയിലെ കെഇഎം ആശുപത്രിയിലാണ് പ്രവേശിപ്പിച്ചിരുന്നത്.
കുര്ള ഡിവിഷനിലെ ട്രാഫിക് പോലിസിലെ ഹെഡ് കോണ്സ്റ്റബിളായിട്ടാണ് ശിവാജി സേവനം അനുഷ്ടിച്ചിരുന്നത്. മുംബൈ നഗരത്തിലെ പ്രധാന കൊവിഡ് ഹോട്ട്സ്പോട്ടുകളിലൊന്നായ എല്-വാര്ഡില് (കുര്ല ഡിവിഷന്) സോനവാനെയെ വിന്യസിച്ചതായാണ് റിപോര്ട്ട്. ശിവാജിയുടെ നിര്യാണത്തില് മുംബൈ പോലിസ് അനുശോചനവും ദു:ഖവും രേഖപ്പെടുത്തി. തങ്ങളുടെ പ്രാര്ത്ഥനകള് അദ്ദേഹത്തിന്റെ കുടുംബത്തോടൊപ്പമുണ്ടെന്ന് പോലിസ് വ്യക്തമാക്കി.
മുംബൈ പോലിസിലെ രണ്ട് ഹെഡ് കോണ്സ്റ്റബിള്മാര് കഴിഞ്ഞ രണ്ടുദിവസത്തിനിടെ കൊവിഡ് ബാധിച്ച് മരിച്ചിരുന്നു. വകോല പോലിസ് സ്റ്റേഷനിലെ കോണ്സ്റ്റബിള് ചന്ദ്രകാന്ത് പെന്ഡുര്ക്കര്, ഹെഡ് കോണ്സ്റ്റബിള് സന്ദീപ് സര്വ് എന്നിവരുടെ ജീവനുകളാണ് കഴിഞ്ഞ രണ്ടുദിവസങ്ങളിലായി കൊവിഡ് ബാധയില് പൊലിഞ്ഞത്. കഴിഞ്ഞ 24 മണിക്കൂറിനുള്ളില് മഹാരാഷ്ട്രയില് റിപോര്ട്ട് ചെയ്യപ്പെട്ട 440 പുതിയ കൊവിഡ് -19 കേസുകളില് 358 എണ്ണവും മുംബൈയിലായിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT