വ്യാജവാര്‍ത്ത: റിപബ്ലിക് ടിവിക്കെതിരേ നടപടി സ്വീകരിക്കുമെന്ന് ജമാഅത്ത് അമീര്‍

ന്യൂഡല്‍ഹി: ജമ്മു കശ്മീര്‍ ജമാഅത്തെ ഇസ്ലാമിയുടെ നേതാവെന്ന രീതിയില്‍ തന്റെ ചിത്രം പ്രദര്‍ശിപ്പിച്ച റിപബ്ലിക് ടിവിക്കെതിരേ നിയമനടപടി സ്വീകരിക്കുമെന്ന് ജമാഅത്തെ ഇസ്ലാമി ഹിന്ദ് അഖിലേന്ത്യാ പ്രസിഡന്റ് മൗലാന ജലാലുദ്ദീന്‍ ഉമരി. ജമാഅത്തെ ഇസ്ലാമി ഹിന്ദിന് ജമ്മു കശ്മീര്‍ ജമാഅത്തെ ഇസ്ലാമി എന്ന സംഘടനയുമായി ഒരു ബന്ധവുമില്ലെന്ന് അറിയാത്തവരാണോ റിപബ്ലിക് ടിവി നടത്തിപ്പുകാരെന്ന് ഉമരി വാര്‍ത്താസമ്മേളനത്തില്‍ ചോദിച്ചു.

ഡല്‍ഹിയിലുള്ള തന്നെക്കുറിച്ച് ഒരു വാര്‍ത്ത നല്‍കുന്നതിന് മുമ്പ് നന്നേ ചുരുങ്ങിയത് ആ ചാനലിന് ഒന്ന് ബന്ധപ്പെടുകയെങ്കിലും ചെയ്യാമായിരുന്നുവെന്നും ഉമരി പറഞ്ഞു.