ആദിത്യനാഥ് ബംഗാളില്‍ ചുറ്റിത്തിരിയുന്നത് സ്വന്തം സംസ്ഥാനത്തു നില്‍ക്കാനാവാത്തതിനാലെന്നു മമത

കൊല്‍ക്കത്ത: ബിജെപി റാലിയില്‍ പങ്കെടുക്കാനായി പശ്ചിമബംഗാളിലെത്തുന്ന ആദിത്യനാഥിനെതിരേ മുഖ്യമന്ത്രി മമതാ ബാനര്‍ജി. ഉത്തര്‍പ്രദേശില്‍ നില്‍ക്കാന്‍ കഴിയാത്തതിനാലാണു ആദിത്യനാഥ് പശ്ചിമബംഗാളില്‍ ചുറ്റിത്തിരിയുന്നതെന്നു മമത പറഞ്ഞു. സ്വന്തം സംസ്ഥാനമായി യുപിയെ നന്നാക്കാനാണ് ആദിത്യനാഥ് ശ്രമിക്കേണ്ടത്. പോലിസൂകാരടക്കം നിരവധിയാളുകളാണ് അവിടെ കൊല്ലപ്പെടുന്നത്. ആള്‍കൂട്ട ആക്രമണത്തിലൂടെ നിരവധി പേരെയാണു കൊന്നത്. ഉത്തര്‍പ്രദേശില്‍ നില്‍ക്കാന്‍ സ്ഥലമില്ലാത്തതിനാലാണ് ആദിത്യനാഥ് ബംഗാളില്‍ ചുറ്റിത്തിരിയുന്നത്- മമത പറഞ്ഞു.