വിതുരയില്‍ കാട്ടാന ആക്രമണം; രണ്ടുപേര്‍ക്ക് പരിക്ക്

തിരുവനന്തപുരം: വിതുരയില്‍ കാട്ടാന ആക്രമണത്തില്‍ ബൈക്ക് യാത്രക്കാരായ രണ്ടുപേര്‍ക്ക് പരിക്കേറ്റു. ഇന്ന് രാത്രി 7.15ന് ബോണക്കാടാണ് കാട്ടാനയുടെ ആക്രമണമുണ്ടായത്. വിതുര സ്വദേശികളായ മഹേഷ് (42), പ്രിന്‍സ് (36) എന്നിവര്‍ക്കാണ് പരിക്കേറ്റത്. വിതുര താലൂക്കാശുപത്രിയില്‍ പ്രാഥമിക ചികില്‍സയ്ക്കുശേഷം ഇവരെ മെഡിക്കല്‍ കോളജിലേക്ക് മാറ്റി.

വീട് പണി കഴിഞ്ഞ് മടങ്ങും വഴിയാണ് ആക്രമണമുണ്ടായത്. ബോണക്കാട് നിന്നും വിതുരയിലേക്ക് ബൈക്കില്‍ വരുന്ന വഴിയില്‍ വളവില്‍ കാട്ടാന നില്‍ക്കുന്നത് കണ്ടു. ഇവരെ കണ്ടതും ആന പാഞ്ഞെത്തി. ബൈക്ക് എടുത്ത് തിരിച്ചുപോവാന്‍ ശ്രമിക്കുന്നതിനിടെ കാട്ടാന ഇരുവരെയും ആക്രമിക്കുകയായിരുന്നു.