പശ്ചിമേഷ്യന്‍ സംഘര്‍ഷം; സാമ്പത്തിക ആഘാതം നേരിടാന്‍ ആഫ്രിക്കന്‍ രാജ്യങ്ങളെ സഹായിക്കാന്‍ തയ്യാറെന്ന് ചൈന

ബീജിങ്: അമേരിക്കയും ഇസ്രായേലും ഇറാനുമായുള്ള യുദ്ധത്തിന്റെ സാമ്പത്തിക ആഘാതം നേരിടാന്‍ ആഫ്രിക്കന്‍ രാജ്യങ്ങളെ സഹായിക്കാന്‍ ചൈന തയ്യാറാണെന്ന് ചൈനീസ് പ്രസിഡന്റ് ഷി ജിന്‍പിങ്. ബീജിംഗില്‍ മൊസാംബിക്കന്‍ പ്രസിഡന്റ് ഡാനിയേല്‍ ചാപ്പോയുമായുള്ള കൂടിക്കാഴ്ചയിലാണ് അദ്ദേഹം ഇക്കാര്യം പറഞ്ഞത്.

ഇറാന്‍ യുദ്ധം ആരംഭിച്ചതിനുശേഷം ഒരു ആഫ്രിക്കന്‍ നേതാവിന്റെ ആദ്യ സന്ദര്‍ശനമായതിനാല്‍ ചാപ്പോയുടെ സന്ദര്‍ശനം പ്രാധാന്യമര്‍ഹിക്കുന്നതായി കണക്കാക്കപ്പെടുന്നുവെന്നാണ് വിലയിരുത്തല്‍.

ഹോര്‍മുസ് കടലിടുക്ക് അടച്ചുപൂട്ടല്‍ ആഗോള വിതരണങ്ങളെ തടസ്സപ്പെടുത്തിയത് സമ്പദ്വ്യവസ്ഥയെ നേരിട്ട് ബാധിച്ചിട്ടുണ്ട്.ഇന്ധനം, വളം, ഭക്ഷണം എന്നിവയ്ക്കായി ഇറക്കുമതിയെ വളരെയധികം ആശ്രയിക്കുന്നതിനാല്‍ തന്നെ ആഫ്രിക്കന്‍ രാജ്യങ്ങള്‍ നിലവില്‍ വലിയ സമ്മര്‍ദ്ദത്തിലാണ്.

അതേസമയം, പശ്ചിമേഷ്യയിലെ സ്ഥിതി നിര്‍ണായക ഘട്ടത്തിലാണെന്ന് ചൈന പറഞ്ഞു. പ്രശ്‌നം യുദ്ധത്തില്‍ നിന്ന് സമാധാനത്തിലേക്ക് നീങ്ങുകയോ അല്ലെങ്കില്‍ വീണ്ടും പോരാട്ടത്തിലേക്ക് നയിക്കുകയോ ചെയ്യുന്ന ഒരു ഘട്ടത്തിലാണെന്ന് ചൈനീസ് വിദേശകാര്യ മന്ത്രാലയ വക്താവ് ഗുവോ ജിയാകുന്‍ പറഞ്ഞു.സംഘര്‍ഷം വീണ്ടും ആരംഭിക്കാതിരിക്കാന്‍ സാധ്യമായ എല്ലാ ശ്രമങ്ങളും നടത്തേണ്ടത് ഈ സമയത്ത് ഏറ്റവും പ്രധാനമാണെന്ന് അദ്ദേഹം പറഞ്ഞു.