സ്പീക്കര്‍ ആശുപത്രി വിട്ടു, ഒരാഴ്ച വിശ്രമം

തിരുവനന്തപുരം: ദേഹാസ്വാസ്ഥ്യവും നെഞ്ചുവേദനയേയും തുടര്‍ന്ന്, തിരുവനന്തപുരം ശ്രീ ചിത്രതിരുനാള്‍ ഇന്‍സ്റ്റിറ്റിയൂട്ട് ഫോര്‍ മെഡിക്കല്‍ സയന്‍സ് ആന്റ് ടെക്‌നോളജി ആശുപത്രിയില്‍ പ്രവേശിച്ചിരുന്ന നിയമസഭാ സ്പീക്കര്‍ പി ശ്രീരാമകൃഷ്ണന്‍ ആശുപത്രി വിട്ടു. തുടര്‍ന്ന് മൂന്നാഴ്ച പരിപൂര്‍ണ വിശ്രമം ഡോക്ടര്‍മാര്‍ നിര്‍ദേശിച്ചതായി സ്പീക്കറുടെ ഓഫീസ് അറിയിച്ചു. തിരുവനന്തപുരത്തെ ഔദ്യോഗിക വസതിയില്‍ ഉള്ള അദ്ദേഹത്തിന് ഒരാഴ്ച കാലത്തേക്ക് സന്ദര്‍ശകരെ അനുവദിക്കേണ്ടതില്ലന്നും ഡോക്ടര്‍മാര്‍ നിര്‍ദേശിച്ചിട്ടുണ്ട്.