ആള്ക്കൂട്ട ആക്രമണത്തെ തുടര്ന്ന് അധ്യാപകന്റെ ആത്മഹത്യ; നേരിടേണ്ടിവന്നത് ക്രൂര പീഡനമെന്ന് ഭാര്യ
മലപ്പുറം: വീട് കയറിയുള്ള ആള്ക്കൂട്ട ആക്രമണത്തെ തുടര്ന്ന് അധ്യാപകന് ആത്മഹത്യ ചെയ്ത സംഭവത്തില് നടന്നത് ക്രൂരപീഡനമെന്ന് ഭാര്യയുടെ വെളിപ്പെടുത്തല്. അധ്യാപകനും ചിത്രകാരനുമായ സുരേഷ് ചാലിയം ആത്മഹത്യ ചെയ്തതിനു കാരണം മക്കളുടെ മുന്നില്വെച്ചുണ്ടായ ക്രൂരമായ ആള്ക്കൂട്ട ആക്രമണത്തെ തുടര്ന്നുണ്ടായ മാനസിക പ്രയാസമാണെന്ന് ഭാര്യ പ്രജിത പറഞ്ഞു. കുറ്റവാളികള്ക്കെതിരേ കര്ശന നടപടിയെടുക്കണമെന്നും ഭാര്യ ആവശ്യപ്പെട്ടു.
കഴിഞ്ഞ വെള്ളിയാഴ്ചയാണ് ഒരുകൂട്ടം വീടുകയറി ആക്രമിച്ചതിനെ തുടര്ന്ന് സുരേഷ് ചാലിയം ആത്മഹത്യ ചെയ്തത്. വാട്സ്അപ്പില് ഒരു സ്ത്രീയോട് ചാറ്റ് ചെയ്തു എന്നാരോപിച്ചാണ് ഒരു സംഘം വീട്ടിലെത്തി സുരേഷിനെ മര്ദ്ദിച്ചത്. സ്വന്തം വീട്ടുകാരുടെ മുന്നില്വച്ച് ഇത്തരമൊരു അപമാനത്തിന് ഇരയായതിന്റെ മനോവിഷമത്തിലാണ് സിനിമാ നാടകപ്രവര്ത്തകനും ചിത്രകാരനുമായ സുരേഷ് ചാലിയത്ത് വീട്ടില് തൂങ്ങി മരിച്ചത്. മക്കള് നോക്കിനില്ക്കെ സുരേഷിനെ ക്രൂരമായി മര്ദ്ദിച്ചിരുന്നു.
സംഭവത്തില് വേങ്ങര വലിയോറ സ്വദേശികളായ നിസാമുദ്ദീന്, മുജീബ് റഹ്മാന് എന്നിവര് പിടിയിലായിട്ടുണ്ട്. ആത്മഹത്യാ പ്രേരണയ്ക്കും മര്ദ്ദിച്ചതിനുമാണ് കേസ്. കണ്ടാലറിയുന്ന 15ഓളം പേര്ക്കെതിരെ പൊലീസ് കേസെടുത്തിട്ടുണ്ട്.
RELATED STORIES
യുഎഇയിലെ കാലാവസ്ഥ; വിമാനയാത്രികര്ക്ക് അറിയിപ്പ്
1 May 2024 5:54 PM GMTഗസയിലെ ഇസ്രായേല് ആക്രമണം; മലേഷ്യയിലെ 100ലധികം കെഎഫ്സി...
1 May 2024 5:42 PM GMT'ഗൂഢാലോചന അന്വേഷിക്കണം'; ഇ പി ജയരാജന് ഡിജിപിക്ക് പരാതി നല്കി
1 May 2024 5:09 PM GMTകോട്ടയത്ത് ക്രിക്കറ്റ് കളികഴിഞ്ഞ് വിശ്രമിക്കുന്നതിനിടെ യുവാവ്...
1 May 2024 4:52 PM GMTസിപിഎം നേതാവും കണ്ണൂര് ജില്ലാ പഞ്ചായത്ത് മുന് പ്രസിഡന്റുമായിരുന്ന ഒ...
1 May 2024 4:44 PM GMTഎസ് ഡിടിയു മെയ് ദിന റാലിയും പൊതുയോഗവും സംഘടിപ്പിച്ചു
1 May 2024 4:34 PM GMT