ചാവശ്ശേരിയില്‍ ബൈക്കപകടത്തില്‍ വിദ്യാര്‍ഥി മരിച്ചു

മട്ടന്നൂര്‍: ചാവശ്ശേരിയില്‍ ബൈക്കുകള്‍ കൂട്ടിയിടിച്ച് വിദ്യാര്‍ഥി മരിച്ചു. മട്ടന്നൂര്‍ പിആര്‍എന്‍എസ്എസ് കോളജ് വിദ്യാര്‍ഥി പുന്നാട് സ്വദേശി റാഫിദ്(20) ആണ് മരിച്ചത്. ചാവശ്ശേരി ടൗണില്‍ ഗ്രാമീണ ബാങ്കിന് സമീപം രാവിലെ 10.30ഓടെയാണ് അപകടം. കോളജിലേക്ക് പോവുന്നതിനിടെ എതിരേവന്ന ബൈക്കുമായി കൂട്ടിയിടിക്കുകയായിരുന്നുവെന്നാണ് സംശയം. എന്നാല്‍, അപകടസമയം സമീപത്ത് ഒരു ബസ്സുണ്ടായിരുന്നതിനാല്‍ ബസാണ് അപകടത്തിനിടയാക്കിയതെന്ന് ചിലര്‍ ആരോപിച്ചത് സംശയത്തിന് കാരണമായി. ഉടന്‍ തന്നെ റാഫിദിനെ കണ്ണൂരിലെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരണപ്പെടുകയായിരുന്നു. മട്ടന്നൂര്‍ പോലിസ് കേസെടുത്ത് ബൈക്ക് യാത്രികനെ കണ്ടെത്താന്‍ അന്വേഷണം ആരംഭിച്ചു. മീത്തലെ പുന്നാട് റിസ് വാന മന്‍സിലില്‍ ഉമര്‍കുട്ടിയാണ് റാഫിദിന്റെ പിതാവ്.