കൊവിഡ് ഫണ്ട് തിരിമറി :എടത്തല ഗ്രാമ പഞ്ചായത്ത് ഓഫീസിലേക്ക് എസ്ഡിപി ഐ മാര്‍ച്ച് നടത്തി

കൊച്ചി: എടത്തല ഗ്രാമ പഞ്ചായത്തില്‍ കൊവിഡ് പ്രതിരോധത്തിന്റെ മറവില്‍ ലക്ഷങ്ങളുടെ തിരിമറി അന്വേഷിച്ച് കുറ്റക്കാരായ ഭരണസമിതി അംഗളെ അയോഗ്യരാക്കണമെന്നും കുഴല്‍പണക്കേസില്‍ ആരോപണ വിധേയനായി വിജിലന്‍സ് അന്വേഷണം നേരിടുന്ന പഞ്ചായത്ത് വൈസ് പ്രസിഡന്റ് രാജിവെക്കണമെന്നു ആവശ്യപ്പെട്ട് എസ് ഡി പി ഐ എടത്തല പഞ്ചായത്ത് കമ്മിറ്റിയുടെ നേതൃത്വത്തില്‍ ഗ്രാമപഞ്ചായത്ത് ഓഫീസിലേക്ക് പ്രതിഷേധ മാര്‍ച്ച് നടത്തി.

മാര്‍ച്ച് പഞ്ചായത്ത് ഓഫീസിന് മുമ്പില്‍ പോലിസ് തടഞ്ഞു.തുടര്‍ന് നടന്ന പ്രതിഷേധ ധര്‍ണ എസ്ഡിപി ഐ ജില്ലാ കമ്മിറ്റി അംഗം സി എസ് ഷനവാസ് ഉദ്ഘാടനം ചെയ്തു.പഞ്ചായത്ത് കമ്മിറ്റി പ്രസിഡന്റ്് സജീബ് കോമ്പാറ,സെക്രട്ടറി മുഹമ്മദാലി, സമദ് വാഴക്കാല പ്രസംഗംഗിച്ചു.