ദേഹാസ്വാസ്ഥ്യം: പോളിങ് ഓഫിസര്‍ ഉള്‍പ്പെടെ രണ്ടു പേര്‍ ആശുപത്രിയില്‍

തിരുവനന്തപുരം: അരുവിയോട് സെന്റ് തെരേസാസ് സ്‌കൂളിലെ പോളിങ് ഓഫിസറെ തിരഞ്ഞെടുപ്പ് ഡ്യൂട്ടിക്കിടെ ദേഹാസ്വാസ്ഥ്യത്തെ തുടര്‍ന്ന് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കോരാണി സ്വദേശി അരവിന്ദാക്ഷനെ (51) യാണ് ഉച്ചകഴിഞ്ഞ് മൂന്നോടെ ആശുപത്രിയില്‍ പ്രവേശിപ്പിച്ചത്. ഡ്യൂട്ടിക്കിടെ അസ്വസ്ഥത തോന്നിയ ഉദ്യോസ്ഥരെ പോലിസ് വാഹനത്തില്‍ ആശുപത്രിയിലെത്തിക്കുകയായിരുന്നു. ഇയാളെ രണ്ടാം വാര്‍ഡില്‍ അഡ്മിറ്റ് ചെയ്തു.

നെയ്യാറ്റിന്‍കരയില്‍ വോട്ടു ചെയ്യാന്‍ നില്‍ക്കവെ കുഴഞ്ഞു വീണ വൃദ്ധനെയും ആശുപത്രിയില്‍ പ്രവേശിപ്പിച്ചു. നെയ്യാറ്റിന്‍കര സ്വദേശി കുഞ്ഞികൃഷ്ണന്‍ നാടാരെ (96) ആണ് ആശുപത്രിയില്‍ പ്രവേശിപ്പിച്ചത്.