യോഗിയുടെ കോലം കത്തിച്ച 16 സമാജ് വാദി പ്രവര്ത്തകര്ക്കെതിരേ വധശ്രമത്തിന് കേസെടുത്ത് പോലിസിന്റെ പകപോക്കല്
മീററ്റ്: യുപി മുഖ്യമന്ത്രി യോഗി ആദിത്യനാഥിന്റെ കോലം കത്തിച്ച് പ്രതിഷേധിച്ച 16 സമാജ് വാദി പ്രവര്ത്തകര്ക്കെതിരേ കേസെടുത്തു. എല്ലാവര്ക്കുമെതിരേ വധശ്രമത്തിനാണ് കേസെടുത്തത്. കോലം കത്തിക്കാന് ശ്രമിച്ചപ്പോള് അത് തടഞ്ഞ പോലിസുകാരനെ വധിക്കാന് ശ്രമിച്ചെന്നാണ് കേസ്.
ലഖിംപൂര് സംഭവത്തില് പ്രതിഷേധിച്ചവര്ക്കെതിരേയാണ് പോലിസിന്റെ നടപടി. 200ഓളം സമാജ് വാദിപാര്ട്ടി പ്രവര്ത്തകരാണ് സമരത്തില് പങ്കെടുത്തത്. അറസ്റ്റിലായവര് എല്ലാം വിദ്യാര്ത്ഥികളാണ്.
307ാം വകുപ്പിന് പുറമെ ഐപിസിയിലെ 15ഓളം വകുപ്പുകളും ചേര്ത്തിട്ടുണ്ട്. നിയമവിരുദ്ധ ജനക്കൂട്ടം, കലാപശ്രമം, നിരോധനാജ്ഞ ലംഘിക്കല് തുടങ്ങിയവയാണ് പ്രധാന വകുപ്പുകള്.
അറസ്റ്റ് ചെയ്യപ്പെട്ട് ജയിലിലായവര് നിരപരാധികളായ ചെറുപ്പക്കാരാണെന്നും അവര് തങ്ങളുടെ പ്രതിഷേധം രേഖപ്പെടുത്തുകയായിരുന്നെന്നും സമാജ് വാദി പാര്ട്ടിയുടെ ജില്ലാ പ്രസിഡന്റ് രാജ്പാല് സിങ് പറഞ്ഞു.
സമരക്കാര് പെട്രോള് നിറച്ച കുപ്പി എറിഞ്ഞതായും പോലിസ് ആരോപിക്കുന്നു. അത് ശരീരത്തില് തട്ടിയ പോലിസുകാരന് പൊള്ളലേറ്റെന്ന് മീററ്റ് എസ്എസ്പി പറഞ്ഞു.
ഒക്ടോബര് നാലിന് ഇതുസംബന്ധിച്ച എഫ്ഐആര് രജിസ്റ്റര് ചെയ്തിട്ടുണ്ട്.
RELATED STORIES
മമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMTകിറ്റ് വിതരണം കെ സുരേന്ദ്രന് വേണ്ടി; തോല്വിയുടെ ആഘാതം കുറയ്ക്കാന് :...
25 April 2024 5:49 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMT