അറബി ഒന്നാം ഭാഷയായി പഠിച്ച് ഫുള്‍ എ പ്ലസ്; ശ്രീപാര്‍വ്വതിയെ ആദരിച്ചു

പെരുമ്പാവൂര്‍: അഞ്ചാം ക്ലാസ്സ് മുതല്‍ അറബി ഒന്നാം ഭാഷയായി പഠിച്ച് എസ്എസ്എല്‍സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടി വിജയിച്ച ഒക്കല്‍ എസ്എന്‍എച്ച്എസ്എസിലെ ശ്രീപാര്‍വ്വതി സലിമിനെ കേരള അറബിക് മുന്‍ഷീസ് അസോസിയേഷന്‍ എറണാകുളം ജില്ലാ കമ്മിറ്റി ആദരിച്ചു. സംസ്ഥാന ഓര്‍ഗനൈസിംഗ് സെക്രട്ടറി സിറാജ് മദനി അവാര്‍ഡ് സമ്മാനിച്ചു. ജില്ലാ പ്രസിഡന്റ് എം എ ഹംസ, ജില്ലാ ജനറല്‍ സെക്രട്ടറി പി എ അബ്ദുല്‍ നാസര്‍, ജില്ലാ ഭാരവാഹികളായ എം എ റെഷീദ് കുന്നുകര ,എന്‍ യു സുനീര്‍ , മുന്‍ ജില്ലാ പ്രസിഡന്റ് പി എം റഫീഖ്, വനിതാ വിങ് ജില്ല ട്രഷററും ശ്രീപാര്‍വ്വതിയുടെ അറബി അധ്യാപികയുമായ കെ എം ജസീന, മുന്‍ അറബി അധ്യാപിക ജമീല പങ്കെടുത്തു.