ബ്രഹ്മപുരം മാലിന്യപ്ലാന്റിലെ തീപ്പിടിത്തം; കനത്ത പുകയില് മുങ്ങി കൊച്ചി
കൊച്ചി: ബ്രഹ്മപുരം മാലിന്യപ്ലാന്റിലെ തീപ്പിടിത്തത്തിന് പിന്നാലെയുണ്ടായ പുകയില് മൂടി കൊച്ചി. നഗരത്തിലും പരിസരത്ത് പലയിടത്തും കനത്ത പുക പടരുകയാണ്. വ്യാഴാഴ്ച വൈകീട്ട് നാലരയോടെയാണ് ബ്രഹ്മപുരം മാലിന്യപ്ലാന്റില് തീപ്പിടിത്തമുണ്ടായത്. തീ ഇനിയും പൂര്ണമായും അണച്ചിട്ടില്ല. തീ കെടുത്തിയപ്പോള് പ്ലാസ്റ്റിക് മാലിന്യങ്ങളും മറ്റും എരിഞ്ഞുകത്തുന്നതുകൊണ്ടാണ് പുക പടരുന്നതെന്നാണ് ഫയര്ഫോഴ്സ് ഉദ്യോഗസ്ഥര് പറയുന്നത്.
കിന്ഫ്രാ ഇന്ഡസ്ട്രിയല് പാര്ക്കിന് പിന്വശത്തായി ചതുപ്പ് പാടത്താണ് തീപ്പിടിത്തമുണ്ടായത്. ഇന്നലെ രാത്രിയോടെ ആറ് യൂനിറ്റ് ഫയര്ഫോഴ്സ് എത്തിയാണ് തീയണക്കാനുള്ള ശ്രമം നടത്തിയത്. മൂടല്മഞ്ഞിന്റെ സമാനത്തിലാണ് പുക നഗരത്തില് കിലോമീറ്ററുകളോളം മൂടിയിരിക്കുന്നത്.
എന്നാല്, രാവിലെ എട്ടുമണിയോടെ പത്തോളം ജെസിബികളുമായെത്തി മാലിന്യകൂമ്പാരം മറിച്ചിട്ട് അടിയില് വെള്ളമൊഴിച്ച് തീയണക്കുമെന്നാണ് ഫയര്ഫോഴ്സ് ഉദ്യോഗസ്ഥര് നല്കുന്ന വിവരം. പ്ലാസ്റ്റിക് കത്തിയതിന്റെ രൂക്ഷഗന്ധവും അന്തരീക്ഷത്തില് പടരുന്നുണ്ട്. മുമ്പ് തീപ്പിടിത്തമുണ്ടായപ്പോഴും മൂന്ന് ദിവസത്തിലേറെ സമയമെടുത്താണ് അണച്ചത്. ഇപ്പോള് തീപ്പിടിത്തം എങ്ങനെയാണുണ്ടായതെന്ന് അന്വേഷിക്കുകയാണ്.
RELATED STORIES
മണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT'മുസ് ലിം വോട്ട് വേണം, സ്ഥാനാര്ഥികളെ വേണ്ട'; മഹാരാഷ്ട്ര കോണ്ഗ്രസ്...
27 April 2024 5:48 AM GMTപ്രതീക്ഷയും ആശങ്കയും ഒരു പോലെ, പോളിങ് ശതമാനത്തിലെ കുറവ്...
27 April 2024 5:36 AM GMTമനീഷ് സിസോദിയ ഉള്പ്പെടെയുള്ളവരുടെ റിമാന്റ് മെയ് എട്ടുവരെ നീട്ടി
27 April 2024 5:04 AM GMTജുഡീഷ്യറി വിരുദ്ധ പരാമര്ശം: മമതാ ബാനര്ജിക്കെതിരായ ഹരജി കല്ക്കട്ട...
27 April 2024 4:59 AM GMTകാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMT