പാര്ലമെന്റ് സമ്മേളനം വിളിച്ച് താങ്ങുവില നിയമം നടപ്പാക്കണം, 'ചലോ ദില്ലി' മാര്ച്ചിലുറച്ച് കര്ഷക സംഘടനകള്
ന്യൂഡല്ഹി:പ്രധാനമന്ത്രി ഒരു ദിവസത്തേക്ക് പാര്ലമെന്റ് സമ്മേളനം വിളിച്ച് താങ്ങുവില നിയമം നടപ്പാക്കണമെന്ന് കര്ഷകസംഘടനകള് ആവശ്യപ്പെട്ടു. താങ്ങുവില സംബന്ധിച്ച് കേന്ദ്രനിര്ദേശം തള്ളിയതോടെ ചലോ ദില്ലി മാര്ച്ചിനായി തയ്യാറെടുക്കുകയാണ് കര്ഷകര്. ഇതിനിടെ നോയിഡയില് സമരം ചെയ്യുന്ന കര്ഷകരും ഡല്ഹി മാര്ച്ച് പ്രഖ്യാപിച്ചു
അഞ്ച് വിളകള്ക്ക് അഞ്ച് വര്ഷം മിനിമം താങ്ങുവില എന്നതായിരുന്നു കേന്ദ്ര വാഗ്ദാനം. പയര്, ഉഴുന്ന്, തുവര, ചോളം, പരുത്തി എന്നിവ മിനിമം താങ്ങുവില നല്കി വാങ്ങും. നാഫെഡ്, എന്സിസിഎഫ് തുടങ്ങിയ സഹകരണ സംഘങ്ങള് വഴിയാകും വിളകള് കര്ഷകരില് നിന്ന് വാങ്ങുക. എന്നാല് കേന്ദ്രം സമര്പ്പിച്ച ശുപാര്ശ കരാര് കൃഷിയുടെ മറ്റൊരു രൂപമെന്നാണ് കര്ഷകസംഘടനകള് പറയുന്നത്. യഥാര്ത്ഥ ആവശ്യങ്ങളില് നിന്ന് കര്ഷകരെ വഴിതെറ്റിക്കാനുള്ള നീക്കമെന്നും സംഘടനകളുടെ യോഗത്തില് അഭിപ്രായം ഉയര്ന്നു. 23 കാര്ഷിക വിളകള്ക്കും താങ്ങുവില ആവശ്യമാണ്. ധാന്യങ്ങള്ക്കും പരുത്തിക്കും മാത്രമല്ല താങ്ങുവില ആവശ്യമെന്നും കര്ഷകനേതാക്കള് വ്യക്തമാക്കുന്നു . ഒരു ദിവസത്തെ പാര്ലമെന്റ് സമ്മേളനം വിളിച്ച് അടിയന്തരമായി നിയമം നടപ്പാക്കണമെന്ന ആവശ്യം ശക്തമാക്കുകയാണ് കര്ഷകര്.
RELATED STORIES
മുംബൈ ആക്രമണക്കേസിലെ പബ്ലിക് പ്രോസിക്യൂട്ടര് ഉജ്വല് നികം ബിജെപി...
27 April 2024 6:20 PM GMTഇ പി എന്ന പാപി
27 April 2024 1:30 PM GMTഇസ്രായേല് വിരുദ്ധ പ്രക്ഷോഭത്തില് തിളച്ചുമറിഞ്ഞ് യുഎസ് കാംപസുകള്;...
27 April 2024 10:48 AM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMT