കര്‍ണാടക കോണ്‍ഗ്രസ് മേധാവി ശിവകുമാറിനെ ഇ ഡി ചോദ്യം ചെയ്തു

ന്യൂഡല്‍ഹി: കോണ്‍ഗ്രസ് പ്രസിഡന്റ് ഡി കെ ശിവകുമാറിനെ കള്ളപ്പണം വെളുപ്പിക്കല്‍ കേസില്‍ ഇ ഡി ചോദ്യം ചെയ്തു.

സെന്‍ട്രല്‍ ഡല്‍ഹിയിലെ എ പി ജെ അബ്ദുള്‍ കലാം റോഡിലെ ഓഫിസിലാണ് ശിവകുമാര്‍ ചോദ്യം ചെയ്യലിന് ഹാജരാവാന്‍ എത്തിയത്.

കഴിഞ്ഞ ആഴ്ചയാണ് ഇ ഡി അദ്ദേഹത്തിന് നോട്ടിസ് നല്‍കിയത്. ഇ ഡി ചുമത്തുന്ന രണ്ടാമത്തെ കേസാണ് ഇത്.

അനധികൃത സ്വത്ത് സമ്പാദനക്കേസില്‍ സിബിഐ 2020ല്‍ കേസെടുത്തിരുന്നു.

മാധ്യമങ്ങളുടെ ചോദ്യങ്ങള്‍ക്ക് അദ്ദേഹം ഉത്തരം നല്‍കിയില്ല.

74.93 കോടിയുടെ അനധികൃത സ്വത്ത് സമ്പാദനക്കേസാണ് ഇദ്ദേഹത്തിനെതിരേയുള്ളത്.

'ഭാരത് ജോഡോ യാത്രയ്ക്കും നിയമസഭാ സമ്മേളനത്തിനും ഇടയില്‍ ഇ ഡി വീണ്ടും എനിക്ക് സമന്‍സ് അയച്ചു. സഹകരിക്കാന്‍ ഞാന്‍ തയ്യാറാണ്, എന്നാല്‍ ഹാജരാവാന്‍ ആവശ്യപ്പെടുന്ന സമയം നിശ്ചയിച്ചത് എന്നെ ഉപദ്രവിക്കുന്നതിന്റെ ഭാഗമാണ്. എന്റെ ഭരണഘടനാപരവും രാഷ്ട്രീയവുമായ ചുമതലകള്‍ നിര്‍വഹിക്കുന്നതിന് തടസ്സമാണ് ഇത്'- സെപ്തംബര്‍ 15ന് അദ്ദേഹം ട്വീറ്റ് ചെയ്തു.