കൊറോണ ബാധിതരുടെ പേരുവിവരങ്ങള്‍ പ്രചരിപ്പിക്കരുത്: കോഴിക്കോട് ജില്ലാ കലക്ടര്‍

കോഴിക്കോട്: ജില്ലയില്‍ കൊറോണ ബാധിതരുടെ പേരുവിവരങ്ങള്‍ വാട്‌സാപ്പ് തുടങ്ങി സാമൂഹിക മാധ്യമങ്ങളിലൂടെ പ്രചരിപ്പിക്കുന്നവര്‍ക്കെതിരേ ശക്തമായ നിയമ നടപടികള്‍ സ്വീകരിക്കുമെന്ന് ജില്ലാ കലക്ടര്‍ സാംബശിവറാവു അറിയിച്ചു.

രോഗബാധിതരെ ഒറ്റപെടുത്താനോ ശത്രുതാ മനോഭാവത്തോടെ പെരുമാറാനോ ഒരു കാരണവശാലും പാടില്ല. ഇത്തരം പ്രവണതകള്‍ ജില്ലയുടെ ചില ഭാഗങ്ങളില്‍ ഉണ്ടാകുന്നതായി ശ്രദ്ധയില്‍പ്പെട്ടിട്ടുണ്ടെന്നും ഇത് ഒട്ടും ആശ്വാസകരമല്ലെന്നും കലക്ടര്‍ അറിയിച്ചു. ഒരു കേസ് അന്വേഷണത്തിനായി പോലിസ് സൈബര്‍ സെല്ലിന് കഴിഞ്ഞ ദിവസം കൈമാറിയതായും അദ്ദേഹം പറഞ്ഞു.