തിരുവല്ലയില് സിപിഎം ഹര്ത്താല് തുടങ്ങി
തിരുവല്ല നഗരസഭ, നിരണം, കടപ്ര, നെടുമ്പ്രം, പെരിങ്ങര, കുറ്റൂര് പഞ്ചായത്തിലുമാണ് ഹര്ത്താല്. രാവിലെ ആറു മുതല് വൈകിട്ട് ആറു വരെയാണ് ഹര്ത്താല് ആചരിക്കുക.

പത്തനംതിട്ട: പെരിങ്ങര ലോക്കല് സെക്രട്ടറിയും മുന് പഞ്ചായത്ത് അംഗവുമായ പി ബി സന്ദീപ് കുമാറിനെ വെട്ടിക്കൊലപ്പെടുത്തിയതില് പ്രതിഷേധിച്ച് തിരുവല്ലയില് സിപിഎം ആഹ്വാനം ചെയ്ത ഹര്ത്താല് ആരംഭിച്ചു. തിരുവല്ല നഗരസഭ, നിരണം, കടപ്ര, നെടുമ്പ്രം, പെരിങ്ങര, കുറ്റൂര് പഞ്ചായത്തിലുമാണ് ഹര്ത്താല്. രാവിലെ ആറു മുതല് വൈകിട്ട് ആറു വരെയാണ് ഹര്ത്താല് ആചരിക്കുക.
ഇന്നലെ രാത്രി എട്ടോടെ വീടിന് അടുത്ത് ചാത്തങ്കേരി എസ്എന്ഡിപി ഹൈസ്കൂളിന് സമീപത്തെ കലുങ്കിനടുത്തുവെച്ചായിരുന്നു ആക്രമണം.
സന്ദീപ് വീട്ടിലേക്ക് ബൈക്കില് പോകുമ്പോള് രണ്ട് ബൈക്കിലെത്തിയ അഞ്ചംഗ സംഘം വഴിയില് തടഞ്ഞാണ് ആക്രമിച്ചത്. നിലതെറ്റി റോഡില് വീണ് എഴുന്നേല്ക്കുന്നതിനിടെ കുത്തിവീഴ്ത്തി. നെഞ്ചത്തും പുറത്തുമായി നിരവധി കുത്തേറ്റു. കൈയ്ക്കും കാലിനും വെട്ടുമുണ്ട്.കരച്ചില് കേട്ട് നാട്ടുകാര് ഓടിയെത്തിയപ്പോഴേക്കും അക്രമികള് കടന്നു കളഞ്ഞു. ആശുപത്രിയില് എത്തിക്കുമ്പോഴേക്കും മരണം സംഭവിച്ചു. രാഷ്ട്രീയ സംഘര്ഷം തീരെയില്ലാത്ത പ്രദേശത്താണ് ആസൂത്രിത ആക്രമണം ഉണ്ടായത്. ആക്രമണത്തിന് പിന്നില് ആര്എസ്എസ് ആണെന്ന് സിപിഎം ആരോപിച്ചു. സംഭവത്തില് നിരവധി കേസുകളില് പ്രതിയായ ആര്എസ്എസ് ക്രിമിനല് ഉള്പ്പെടെ നാലു പേര് പിടിയിലായിട്ടുണ്ട്.
RELATED STORIES
ഗുസ്തി താരങ്ങളുടെ പാര്ലമെന്റ് മാര്ച്ച് പോലിസ് തടഞ്ഞു; ബജ്റംഗ് പൂനിയ ...
28 May 2023 10:51 AM GMTകണ്ണൂര് കോര്പറേഷന്റെ മാലിന്യ പ്ലാന്റില് വന് തീപിടിത്തം
28 May 2023 6:10 AM GMTകൊല്ലപ്പെട്ട യുവമോര്ച്ചാ നേതാവിന്റെ ഭാര്യയ്ക്ക് ജോലി നല്കും;...
28 May 2023 6:01 AM GMTപുതിയ പാര്ലമെന്റ് മന്ദിരം രാജ്യത്തിന് സമര്പ്പിച്ച് പ്രധാനമന്ത്രി
28 May 2023 5:30 AM GMTസര്ക്കാര് സ്കൂളിലെ ഉച്ചക്കഞ്ഞിയില് ചത്ത പാമ്പ്; നൂറോളം...
28 May 2023 3:54 AM GMTഡല്ഹി സര്വകലാശാലയുടെ ബിരുദ കോഴ്സില് ഗാന്ധിജി പുറത്ത്; സവര്ക്കര്...
28 May 2023 3:36 AM GMT