Top

അസമില്‍ 3 പേര്‍ക്ക് കൊവിഡ് 19 സ്ഥിരീകരിച്ചു; സംസ്ഥാനത്തെ ആകെ രോഗികളുടെ എണ്ണം 157

അസമില്‍ 3 പേര്‍ക്ക് കൊവിഡ് 19 സ്ഥിരീകരിച്ചു; സംസ്ഥാനത്തെ ആകെ രോഗികളുടെ എണ്ണം 157

ഗുവാഹത്തി: സംസ്ഥാനത്തെ സുപ്രധാന ക്വാറന്റീന്‍ സെന്ററുകളിലൊന്നായ സരുസജായില്‍ മൂന്നു പേര്‍ക്കു കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്തെ കൊവിഡ് രോഗികളുടെ എണ്ണം 157 ആയി.

''സംസ്ഥാനത്ത് ഇപ്പോള്‍ 110 പേര്‍ കൊവിഡ് രോഗം ബാധിച്ച് ആശുപത്രിയിലുണ്ട്. 43 പേര്‍ ഇതുവരെ രോഗവിമുക്തി നേടുകയോ സംസ്ഥാനം വിടുകയോ ചെയ്തു. അസമില്‍ ഇതുവരെ 4 പേര്‍ രോഗം ബാധിച്ച് മരിച്ചു''- അസം ആരോഗ്യമന്ത്രി ഹിമാന്ദ ബിശ്വാ ശര്‍മ്മ മാധ്യമങ്ങളോട് പറഞ്ഞു. രാജ്യത്ത് ഏറ്റവും കുറവ് രോഗികളുള്ള സംസ്ഥാനങ്ങളിലൊന്നാണ് ഇത്.

ഇന്ത്യയില്‍ ഇതുവരെ 1,01,139 പേര്‍ക്ക് കൊവിഡ് രോഗം ബാധിച്ചിട്ടുണ്ട്. 39,174 പേര്‍ രോഗവിമുക്തി നേടി ആശുപത്രി വിട്ടു.

നിലവില്‍ രാജ്യത്ത് 58,802 പേര്‍ രോഗികളായി ആശുപത്രിയില്‍ കഴിയുന്നുണ്ട്. 3,163 പേര്‍ രോഗം ബാധിച്ച് മരിച്ചു.

Next Story

RELATED STORIES

Share it