നിലമ്പൂര്‍- കൊച്ചുവേളി രാജ്യറാണി എക്‌സ്പ്രസ് പഴയ സ്റ്റോപ്പുകളില്‍ നിര്‍ത്തുന്നു

പെരിന്തല്‍മണ്ണ: രാജ്യറാണി എക്‌സ്പ്രസ് ഇനി പഴയ സ്‌റ്റോപ്പുകളില്‍ നിര്‍ത്തും. ഇതുസംബന്ധിച്ച് റെയില്‍വേ ഉത്തരവിറക്കി. 16349/16350 കൊച്ചുവേളി- നിലമ്പൂര്‍- കൊച്ചുവേളി രാജ്യറാണി എക്‌സ്പ്രസിന്റെ തുവ്വൂര്‍, മേലാറ്റൂര്‍, പട്ടിക്കാട്, ചെറുകര ഹാള്‍ട്ട് സ്‌റ്റേഷനുകളിലെ പഴയ സ്‌റ്റോപ്പുകള്‍ പുനസ്ഥാപിച്ചാണ് റെയില്‍വേ ഉത്തരവായത്.

നിലവില്‍ കൊവിഡിനുശേഷം ഷൊര്‍ണൂര്‍- നിലമ്പൂര്‍ പാതയില്‍ രാജറാണി എക്‌സ്പ്രസ്സിന് വാണിയമ്പലം, അങ്ങാടിപുറം എന്നീ സ്‌റ്റേഷനുകളില്‍ മാത്രമായിരുന്നു സ്‌റ്റോപ്പുണ്ടായിരുന്നത്.