You Searched For "human rights commission"

വന്ധ്യംകരണം നടത്തിയിട്ടും ഗർഭിണിയായി; ഒരുലക്ഷം നൽകണമെന്ന് മനുഷ്യാവകാശ കമ്മീഷൻ

9 Jan 2020 5:16 AM GMT
യുവതിക്ക് മൂന്ന് പെൺകുട്ടികളാണുണ്ടായിരുന്നത്. തുടർന്നാണ് വന്ധ്യംകരണ ശസ്ത്രക്രിയ നടത്തിയത്. 2012ലാണ് ശസ്ത്രക്രിയ നടത്തിയത്. 2015 ൽ വയറുവേദന അനുഭവപ്പെട്ടതിനെ തുടർന്ന് അടിമാലി താലൂക്ക് ആശുപത്രിയിലെത്തിയപ്പോൾ ഗർഭിണിയാണെന്ന് മനസിലാക്കി.

മനുഷ്യാവകാശ കമ്മീഷന്‍ അംഗം പി മോഹനദാസിന് മനുഷ്യാവകാശ സംരക്ഷണ പുരസ്‌കാരം

7 Jan 2020 9:12 AM GMT
മനുഷ്യാവകാശ സംരക്ഷണ മേഖലയില്‍ മനുഷ്യാവകാശ കമ്മീഷന്‍ അംഗം എന്ന നിലയില്‍ നല്‍കിയ സംഭാവനകള്‍ കണക്കിലെടുത്താണ് പുരസ്‌കാരം നല്‍കുന്നതെന്ന് കെ ആന്റ് കെ സോഷ്യല്‍ ഫൗണ്ടേഷന്‍ ദേശീയ പ്രസിഡന്റ് അലക്‌സാണ്ടര്‍ പ്രിന്‍സ് വൈദ്യന്‍ അറിയിച്ചു. ജനുവരി 18ന് മുംബയിലെ ദ ലീലയില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കും.

റിയല്‍ എസ്റ്റേറ്റ് മാഫിയക്ക് വഴങ്ങി പോലീസ് മര്‍ദ്ദനം;ഉന്നത അന്വേഷണത്തിന് മനുഷ്യാവകാശ കമ്മീഷന്‍ ഉത്തരവ്

4 Jan 2020 2:34 PM GMT
ചോറ്റാനിക്കര മുരിയമംഗലം സ്വദേശി ജോജി ചെറിയാനെയാണ് ചോറ്റാനിക്കര എസ് ഐ യും എ എസ് ഐയും ചേര്‍ന്ന് മര്‍ദ്ദിച്ചത്.കൂടുതല്‍ അന്വേഷണം വേണമെന്ന് ബോധ്യപ്പെട്ടതിന്റെ അടിസ്ഥാനത്തില്‍ മനുഷ്യാവകാശ കമ്മീഷനിലെ മുഖ്യ അന്വേഷണ ഉദേ്യാഗസ്ഥനായ എസ് പി വി എം സന്ദീപിനെ കമ്മീഷന്‍ അന്വേഷണത്തിനായി നിയോഗിച്ചു. പോലിസ് കസ്റ്റഡിയിലായിരിക്കെ പരാതിക്കാരനെ മൂന്നു തവണ മെഡിക്കല്‍ പരിശോധനക്ക് വിധേയനാക്കിയതായി എസ് പി അന്വേഷണത്തില്‍ കണ്ടെത്തി. ഇതില്‍ 2018 ജനുവരി 15 ന് തൃപ്പൂണിത്തുറ താലൂക്ക് ആശുപത്രിയില്‍ നടത്തിയ മെഡിക്കല്‍ പരിശോധനയുടെ റിപോര്‍ട്ട് മാത്രമാണ് ചോറ്റാനിക്കര സ്റ്റേഷനില്‍ നിന്നും എസ് പിക്ക് ലഭിച്ചത്. ഇതില്‍ പരാതിക്കാരന്റെ ശരീരത്തില്‍ ആറോളം പരിക്കുകള്‍ ഉണ്ട്

പാലക്കാട് അപകടത്തില്‍ ഗുരുതര പരിക്കേറ്റ കുട്ടിയെവഴിയില്‍ ഉപേക്ഷിച്ച സംഭവം: അന്വേഷണത്തിന് മനുഷ്യാവകാശ കമ്മീഷന്‍ ഉത്തരവ്

14 Dec 2019 9:58 AM GMT
നിരത്തുവക്കില്‍ നിന്ന അപ്പുപിള്ളയാര്‍ എ യു പി സ്‌കൂളിലെ ഏഴാം ക്ലാസ് വിദ്യാര്‍ഥി സുജിത്തിനെയാണ് (13) പുത്തനതാണി സ്വദേശി അബ്ദുള്‍ നാസര്‍ ഓടിച്ച കാര്‍ ഇടിച്ചത് . ഏറാട്ടുകുളത്തുള്ള കുടുംബവീട്ടില്‍ അപ്പൂപ്പന്റെ ഒന്നാം ചരമ വാര്‍ഷികചടങ്ങില്‍ സംബന്ധിക്കാനെത്തിയ സുജിത്ത് മിഠായി വാങ്ങാന്‍ കൈതക്കുഴിയില്‍ എത്തിയപ്പോഴാണ് കാര്‍ ഇടിച്ചത്. പ്രദേശവാസിയായ ഒരാള്‍ക്കൊപ്പം ഗുരുതരമായി പരിക്കേറ്റ കുട്ടിയെ അബ്ദുള്‍ നാസര്‍ ആശുപത്രിയിലേക്ക് കൊണ്ടു പോയെങ്കിലും കാറിന്റെ ടയര്‍ തകരാറാണെന്ന് പറഞ്ഞ് കുട്ടിയെയും പ്രദേശവാസിയെയും വഴിയിലിറക്കി. തുടര്‍ന്ന് പ്രദേശവാസി കുട്ടിയെ ചിറ്റൂരിന് സമീപം നാട്ടുകല്ലിലുള്ള ആശുപത്രിയിലെത്തിച്ചെങ്കിലും ചികില്‍സ താമസിച്ചതിനാല്‍ കുട്ടി മരിച്ചു.

ഇടുക്കിയില്‍ മൃതദേഹം പിക്കപ്പ് വാനില്‍ കൊണ്ടുപോയ സംഭവം; ദേശീയ മനുഷ്യാവകാശ കമ്മീഷന്‍ കേസെടുത്തു

13 Dec 2019 9:32 AM GMT
പള്ളിക്കുന്നിലെ വീട്ടിലേക്ക് മൃതദേഹം കൊണ്ടുപോകാനായി ബന്ധുക്കള്‍ എത്തിയപ്പോഴാണ് ആശുപത്രി ആംബുലന്‍സ് മറ്റൊരു ഓട്ടം പോയിരിക്കുകയാണെന്ന വിവരം ലഭിച്ചത്.

ജല അതോറിറ്റിയുടെ കുഴിയില്‍ വീണ് മരണം: മനുഷ്യാവകാശ കമ്മീഷന്‍ സ്വമേധയാ കേസെടുത്തു

12 Dec 2019 2:36 PM GMT
കേസ് ജനുവരി 14ന് ആലുവയില്‍ നടക്കുന്ന സിറ്റിങ്ങില്‍ പരിഗണിക്കും. മാധ്യമവാര്‍ത്തകളുടെ അടിസ്ഥാനത്തിലാണ് നടപടി.

കൊച്ചിയില്‍ വാട്ടര്‍ അതോറിറ്റിയുടെ കുഴി യുവാവിന്റെ ജീവനെടുത്ത സംഭവം:മനുഷ്യാവകാശ കമ്മീഷന്‍ കേസെടുത്തു

12 Dec 2019 11:30 AM GMT
ജല അതോറിറ്റി മാനേജിംഗ് ഡയറക്ടറും കൊച്ചി സിറ്റി പോലിസ് കമ്മീഷണറും യുവാവിന്റെ ദാരുണാന്ത്യത്തിലേക്ക് നയിച്ച കാരണങ്ങളെ കുറിച്ച് അന്വേഷണം നടത്തി നാലാഴ്ചക്കകം വിശദമായ റിപോര്‍ട്ട് സമര്‍പ്പിക്കണമെന്ന് കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ആവശ്യപ്പെട്ടു. കേസ് ജനുവരി 14 ന് ആലുവയില്‍ നടക്കുന്ന സിറ്റിംഗില്‍ പരിഗണിക്കും. മാധ്യമ വാര്‍ത്തകളുടെ അടിസ്ഥാനത്തിലാണ് നടപടി

കേസുകള്‍ തീര്‍പ്പാക്കാനുള്ള കാലതാമസത്തിന്റെ പേരില്‍ നിയമം കൈയിലെടുക്കുന്നത് അപരിഷ്‌കൃതം:മനുഷ്യാവകാശ കമ്മീഷന്‍

10 Dec 2019 11:01 AM GMT
നിയമവ്യവസ്ഥയുടെ ശാപമായ കാലതാമസം ഒഴിവാക്കാന്‍ പാര്‍ലമെന്റ് ഉള്‍പ്പെടെയുള്ള ജനപ്രതിനിധി സഭകള്‍ നടപടി സ്വീകരിക്കണമെന്നും മനുഷ്യാവകാശ കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക പറഞ്ഞു. ഹൈദരാബാദിലും മധ്യപ്രദേശിലും വാളയാറിലും പ്രതികളെ പോലിസും ജനക്കൂട്ടവും കൈകാര്യം ചെയ്ത രീതി പരിഷ്‌ക്യത സമൂഹത്തിന് അംഗീകരിക്കാന്‍ കഴിയില്ല. ഇത്തരമാരു വ്യവസ്ഥ രാജ്യത്തെ എങ്ങോട്ട് നയിക്കുമെന്ന് പറയാനാവില്ല. കോടതി ശിക്ഷ വിധിക്കും മുമ്പ് ജനക്കൂട്ടം പ്രതികളെ ശിക്ഷിക്കുന്നതിനെ പാര്‍ലെമെന്റംഗങ്ങള്‍ പ്രകീര്‍ത്തിച്ചത് നിര്‍ഭാഗ്യകരമായി

കോവിൽവട്ടം: കെഎംഎംഎല്ലിന് മനുഷ്യാവകാശ കമ്മീഷൻ നോട്ടീസ്

27 Nov 2019 1:47 PM GMT
പ്രദേശത്ത് ജനങ്ങൾക്ക് അധിവസിക്കാനുള്ള അവകാശം നഷ്ടപ്പെട്ടിരിക്കുകയാണെന്ന് കൊല്ലം ബിഷപ്പ് ഡോ. പോൾ ആന്റണി മുല്ലശേരി സമർപ്പിച്ച പരാതിയിൽ പറയുന്നു.

പാമ്പുകടിയേറ്റ് വിദ്യാര്‍ഥിനി മരിച്ച സംഭവം: മനുഷ്യാവകാശ കമ്മീഷന്‍ കേസെടുത്തു

21 Nov 2019 12:25 PM GMT
ജില്ലാ കലക്ടര്‍, ജില്ലാ പോലിസ് മേധാവി, വിദ്യാഭ്യാസ ഉപ ഡയറക്ടര്‍ എന്നിവര്‍ അന്വേഷണം നടത്തി 15 ദിവസത്തിനകം റിപ്പോര്‍ട്ട് നല്‍കണമെന്ന് കമ്മീഷന്‍ ജുഡീഷ്യല്‍ അംഗം പി മോഹനദാസ് ആവശ്യപ്പെട്ടു.

യാക്കോബായ വിശ്വാസികളുടെ ശവസംസ്‌കാരം അനുവദിക്കുന്നില്ലെന്ന്;മനുഷ്യാവകാശ കമ്മീഷന്‍ റിപോര്‍ട്ട് ആവശ്യപ്പെട്ടു

11 Nov 2019 7:05 AM GMT
ചീഫ് സെക്രട്ടറിയും സംസ്ഥാന പോലീസ് മേധാവിയും കോട്ടയം ദേവലോകം അരമന സഭാ അധ്യക്ഷനും നവംബര്‍ 15 നകം വിശദീകരണം സമര്‍പ്പിക്കണമെന്ന് കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ആവശ്യപ്പെട്ടു.92 വയസായ വൃദ്ധ മാതാവിനെ കട്ടച്ചിറ പള്ളിയിലെ കുടുംബ കല്ലറയില്‍ സംസ്‌കരിക്കാന്‍ സമ്മതിക്കുന്നില്ലെന്ന് ആരോപിച്ച് യാക്കോബായ സഭ മെത്രാപോലീത്തന്‍ ട്രസ്റ്റി ജോസഫ് ഗ്രിഗോറിയോസ് മെത്രാപ്പോലീത്ത സമര്‍പ്പിച്ച പരാതിയിലാണ് നടപടി

മനുഷ്യാവകാശ കമ്മീഷന്‍ മുന്‍ അംഗം അഡ്വ. കെ ഇ ഗംഗാധരന്‍ അന്തരിച്ചു

10 Nov 2019 5:18 AM GMT
തലശ്ശേരി: മനുഷ്യാവകാശ കമ്മീഷന്‍ മുന്‍ അംഗവും പ്രമുഖ അഭിഭാഷകനുമായ അഡ്വ. കെ ഇ ഗംഗാധരന്‍(74) അന്തരിച്ചു. ധര്‍മ്മടത്തെ വീട്ടില്‍ ഞായറാഴ്ച പുലര്‍ച്ചെയാണ്...

സംസ്ഥാനത്ത് ഗുരുതരമായ മനുഷ്യാവകാശ പ്രശ്‌നങ്ങളില്ലെന്ന് ദേശീയ മനുഷ്യാവകാശ കമ്മീഷന്‍

2 Nov 2019 7:34 AM GMT
കേസുകളില്‍ ബന്ധപ്പെട്ട അധികൃതരില്‍നിന്ന് നടപടി റിപ്പോര്‍ട്ടുകള്‍ സ്വീകരിക്കുകയും ചില കേസുകളില്‍ കൂടുതല്‍ റിപ്പോര്‍ട്ടുകള്‍ ആവശ്യപ്പെടുകയും ചെയ്തു.

അട്ടപ്പാടിയിലെ കൊലപാതകം: മനുഷ്യാവകാശ കമ്മീഷന്‍ കേസെടുത്തു; പോലിസിനെതിരേ രൂക്ഷവിമര്‍ശനം

30 Oct 2019 7:41 AM GMT
തിരുവനന്തപുരം: അട്ടപ്പാടി വനത്തില്‍ മാവോവാദികളാണെന്ന പേരില്‍ നാലുപേരെ പോലിസ്വെടിവച്ചുകൊന്ന സംഭവത്തില്‍ സംസ്ഥാന മനുഷ്യാവകാശ കമ്മീഷന്‍ കേസെടുത്ത്...

മനുഷ്യാവകാശ കമ്മീഷന്‍ ആദിവാസി സമ്മേളനം: ആദിവാസികള്‍ക്ക് കൃത്യമായ വിവരം ലഭിച്ചിട്ടില്ലെന്ന് ആരോപണം

14 Oct 2019 6:44 PM GMT
പോലിസ് നടപടി മൂലം ദുരിതം അനുഭവിക്കുന്ന ആദിവാസികള്‍ക്ക് അടക്കം കൃത്യമായി വിവരം ലഭിച്ചിട്ടില്ലെന്നാണ് ആക്ഷേപം ഉയരുന്നത്. പരിപാടി നേരത്തെ അറിയാത്തത് മൂലം കേസില്‍ കുടുങ്ങി കിടക്കുന്നവരേയും മനുഷ്യാവകാശ ലംഘനങ്ങള്‍ നേരിടുന്നവരേയും സമ്മേളനത്തില്‍ എത്തിക്കാന്‍ കഴിയാത്ത സ്ഥിതിയാണുള്ളത്.

മനുഷ്യാവകാശ കമ്മീഷന്‍ ആദിവാസി സമ്മേളനം നാളെ

14 Oct 2019 3:54 PM GMT
സുല്‍ത്താന്‍ ബത്തേരി, കല്‍പ്പറ്റ, മാനന്തവാടി മേഖലകളില്‍ നിന്നും 300 ലധികം ആദിവാസികളും ജില്ലയിലെ 60 ഓളം ഉദ്യോഗസ്ഥരും സംബന്ധിക്കും. ആദിവാസികളുടെ പരാതികള്‍ നേരിട്ട് കേട്ട് പരിഹാരം നിര്‍ദ്ദേശിക്കാനാണ് കമ്മീഷന്‍ തീരുമാനം.

അത്‌ലറ്റിക് മീറ്റിനിടയില്‍ വിദ്യാര്‍ഥിയുടെ തലയില്‍ ഹാമര്‍ പതിച്ച് അപകടം:മനുഷ്യാവകാശ കമ്മീഷന്‍ കേസെടുത്തു

5 Oct 2019 12:00 PM GMT
പാലാ ഡി വൈ എസ് പിയും വിദ്യാഭ്യാസ ഉപ ഡയറക്ടറും (കോട്ടയം ) അന്വേഷണം നടത്തി നാലാഴ്ചക്കകം റിപോര്‍ട്ട് നല്‍കണമെന്ന് കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ഉത്തരവിട്ടു.റിപോര്‍ട്ട് ലഭിച്ച ശേഷം കേസ് കോട്ടയത്ത് നടക്കുന്ന സിറ്റിംഗില്‍ പരിഗണിക്കും.ജാവലിന്‍ ത്രോ വോളണ്ടിയറും പാലാ സെന്റ് തോമസ് ഹയര്‍ സെക്കന്ററി സ്‌കൂള്‍ വിദ്യാര്‍ഥിയുമായ മേലുകാവ് സ്വദേശി അഫീല്‍ ജോണ്‍സന്റെ തലയിലാണ് ഹാമര്‍ പതരിച്ചത്.സംഘാടകരുടെ ഗുരുതര പിഴവാണ് അപകടത്തിന് കാരണമായതെന്ന് ആക്ഷേപമുണ്ട്.

പെൺകുട്ടിയെ ഒറ്റയ്ക്ക് റോഡിലിറക്കിവിട്ട ബസ് ജീവനക്കാർക്കെതിരെ അന്വേഷണത്തിന് ഉത്തരവ്

10 Sep 2019 11:12 AM GMT
തൃശൂർ ജില്ലാ പോലിസ് മേധാവിയും ആർടിഒയും അന്വേഷണം നടത്തി മൂന്നാഴ്ചക്കകം അന്വേഷണ റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷ്യൽ അംഗം പി. മോഹനദാസ് ഉത്തരവിട്ടു. റിപ്പോർട്ടുകൾ കിട്ടിയശേഷം തൃശൂരിൽ നടക്കുന്ന സിറ്റിംഗിൽ കേസ് പരിഗണിക്കും.

പ്രകൃതിക്ഷോഭ സാധ്യതാ പ്രദേശങ്ങൾ: റിപ്പോർട്ടുകൾ ഗ്രാമസഭയിൽ ചർച്ച ചെയ്യണമെന്ന് മനുഷ്യാവകാശ കമ്മീഷൻ

8 Sep 2019 5:32 AM GMT
പൊതുജനങ്ങൾക്കിടയിൽ ചർച്ച ചെയ്യുന്നതിന് ഇത്തരം പഠന റിപ്പോർട്ടുകൾ തദ്ദേശ സ്വയംഭരണ സ്ഥാപനങ്ങൾക്കും ബഹുജന സംഘടനകൾക്കും ലഭ്യമാക്കാൻ സർക്കാർ നടപടി സ്വീകരിക്കണമെന്നും കമ്മീഷൻ ആവശ്യപ്പെട്ടു.

പോലിസിനെതിരെ പരാതി നല്‍കിയതിന് അഭിഭാഷകനെതിരെ കേസ് എടുത്തുവെന്ന് ; ഡി വൈ എസ് പി അന്വേഷിക്കണമെന്ന് മനുഷ്യാവകാശ കമ്മീഷന്‍

7 Sep 2019 11:56 AM GMT
എറണാകുളം റൂറല്‍ ജില്ലാ പോലിസ് മേധാവിക്കാണ് കമ്മീഷന്‍ ഉത്തരവ് നല്‍കിയത്. അഭിഭാഷകനായ ആന്റണി വര്‍ക്കിയുടെ പരാതിയിലാണ് ഉത്തരവ്.ഫോറസ്റ്റ് റെയ്ഞ്ച് ഓഫീസര്‍മാരായ പ്രതികളെ രക്ഷിക്കാന്‍ പോലിസ് കളവായി തനിക്കെതിരെ കേസെടുക്കുകയായിരുന്നെന്ന് അഭിഭാഷകന്‍ പരാതിയില്‍ പറഞ്ഞു. അതേ സമയം അഭിഭാഷകനെതിരെ രജിസ്റ്റര്‍ ചെയ്ത കേസില്‍ അനേ്വഷണം പൂര്‍ത്തിയാക്കി പെരുമ്പാവൂര്‍ കോടതിയില്‍ കുറ്റപത്രം സമര്‍പ്പിച്ചിട്ടുള്ളതായി ആലുവ റൂറല്‍ എസ് പി കമ്മീഷനെ അറിയിച്ചു.അഭിഭാഷകന്‍ നല്‍കിയ പരാതിയില്‍ അനേ്വഷണം നടന്നു വരികയാണെന്നും റിപോര്‍ട്ടില്‍ പറയുന്നു

കവളപ്പാറയിലെ ദുരന്തം: കാണാതായവര്‍ക്കായുള്ള തിരച്ചില്‍ ഊര്‍ജിതമാക്കണമെന്ന് മനുഷ്യാവകാശ കമ്മീഷന്‍

23 Aug 2019 10:11 AM GMT
ദുരന്തത്തില്‍ മരിച്ചവരുടെ ബന്ധുക്കള്‍ക്ക് എത്രയും വേഗം ധനസഹായം ലഭ്യമാക്കണമെന്നും കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക്കും അംഗങ്ങളായ ഡോ.കെ മോഹന്‍ കുമാറും പി മോഹനദാസും ആവശ്യപ്പെട്ടു. കവളപ്പാറയിലെ ദുരിത ബാധിതര്‍ക്ക് സര്‍ക്കാര്‍ പ്രഖ്യാപിച്ച അടിയന്തിര ധനസഹായം അപര്യാപ്തമാണെന്ന പരാതി പരിശോധിച്ച് ആവശ്യമായ നിര്‍ദ്ദേശം സര്‍ക്കാരിന് നല്‍കും. കഴിഞ്ഞ വര്‍ഷമുണ്ടായ പ്രളയത്തിനുള്ള ധനസഹായം ഇതുവരെ കിട്ടിയില്ലെന്ന പരാതി സര്‍ക്കാര്‍ പരിശോധിക്കണം.കവളപ്പാറയില്‍ ദുരന്തമുണ്ടായ സ്ഥലത്തിന്റെ അപകട സാധ്യതയെ കുറിച്ച് ജിയോളജിക്കല്‍ സര്‍വേ നടത്തിയ പഠനത്തിന്റെ റിപോര്‍ട്ട് പൊതുജനങ്ങള്‍ക്കും തദ്ദേശസ്ഥാപനങ്ങള്‍ക്കും ലഭ്യമാക്കണം

പരാതിയുമായി പട്ടണക്കാട് സ്‌കൂള്‍ ക്യാംപിലെദുരിതബാധിതര്‍; നടപടിയെടുത്ത് മനുഷ്യാവകാശ കമ്മീഷന്‍

13 Aug 2019 2:41 PM GMT
പട്ടണക്കാട് സ്‌കൂളില്‍ പ്രവര്‍ത്തിക്കുന്ന ദുരിതാശ്വാസ ക്യാംപ് സന്ദര്‍ശിച്ച കമ്മീഷന്‍ ജുഡീഷ്യല്‍ അംഗം പി മോഹനദാസ് പട്ടണക്കാട് ഗ്രാമപഞ്ചായത്ത് സെക്രട്ടറിക്കാണ് നിര്‍ദ്ദേശം നല്‍കിയത്. കമ്മീഷന്‍ സ്വമേധയാ രജിസ്റ്റര്‍ ചെയ്ത കേസിലാണ് നടപടി.മുതിര്‍ന്നവരും സ്ത്രീകളും കുട്ടികളും അടക്കം 1200 പേരാണ് ക്യാംപില്‍ താമസിക്കുന്നത്

മദ്യപിച്ച് വാഹനമോടിക്കുന്നവരെ പിടിക്കാന്‍ കാമറകള്‍ കാര്യക്ഷമമാക്കണമെന്ന് മനുഷ്യാവകാശ കമ്മീഷന്‍

8 Aug 2019 1:21 PM GMT
സുപ്രിംകോടതി രൂപീകരിച്ച റോഡ് സേഫ്റ്റി കമ്മിറ്റിയുടെ നിര്‍ദേശങ്ങള്‍ കര്‍ശനമായി നടപ്പാക്കണം. സംസ്ഥാന പോലിസ് മേധാവി, ഗതാഗത കമ്മീഷണര്‍ എന്നിവര്‍ക്കാണ് കമ്മീഷന്‍ നിര്‍ദേശം നല്‍കിയത്. തിരുവനന്തപുരം നഗരത്തില്‍പോലും നിരീക്ഷണ കാമറകള്‍ പലതും പ്രവര്‍ത്തിക്കുന്നില്ലെന്ന പരാതി ഗൗരവമായി പരിശോധിക്കണമെന്ന് കമ്മീഷന്‍ ആവശ്യപ്പെട്ടു.

ലോഡുമായി പോകുന്ന ടോറസുകളില്‍ മൂടിയില്ല: നടപടിക്കൊരുങ്ങി മനുഷ്യാവകാശ കമ്മീഷന്‍

5 Aug 2019 3:36 PM GMT
അപകടങ്ങള്‍ ഒഴിവാക്കുന്നതിനായി പൊതുമരാമത്ത്,പോലിസ്, ഗതാഗത വകുപ്പുകള്‍ സ്വീകരിക്കുന്ന നടപടികളെ കുറിച്ച് നാലാഴ്ചക്കകം അറിയിക്കണമെന്ന് സംസ്ഥാന മനുഷ്യാവകാശ കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ഉത്തരവിട്ടു.കോട്ടയം കാളകെട്ടി അച്ചാമ്മ മെമ്മോറിയല്‍ ഹയര്‍ സെക്കന്ററി സ്‌കൂളിലെ പ്ലസ് വണ്‍ വിദ്യാര്‍ഥിനി അന്ന സജി തോമസ്, കാഞ്ഞിരപ്പള്ളി ഇന്‍ഫന്റ് ജീസസ് സ്‌കൂള്‍ വിദ്യാര്‍ഥികളായ അമല എസ് തോമസ്, ഇമ്മാനുവല്‍ എസ് തോമസ് എന്നിവര്‍ നല്‍കിയ പരാതിയിലാണ് മനുഷ്യാവകാശ കമ്മീഷന്റെ നടപടി

യഥാസമയം രക്തപരിശോധന നടത്തിയില്ല; പോലിസിനെതിരെ മനുഷ്യാവകാശ കമ്മീഷൻ

3 Aug 2019 9:27 AM GMT
ഡിജിപിക്കൊപ്പം സിറ്റി പോലിസ് കമ്മീഷണറും ഉടന്‍ അന്വേഷണം നടത്തണമെന്ന് കമ്മീഷൻ ആവശ്യപ്പെട്ടു. പത്തു ദിവസത്തിനകം ഇരുവരും റിപ്പോര്‍ട്ട് നല്‍കണം. മ്യൂസിയം പോലിസാണ് ഗുരുതര വീഴ്ച വരുത്തിയത്.

ജയിലില്‍ തടവുകാരുടെ ബാഹുല്യം: മനുഷ്യാവകാശ കമ്മീഷന്‍ റിപോര്‍ട്ട് തേടി

30 July 2019 4:44 PM GMT
ജയിലില്‍ പാര്‍പ്പിച്ചിരിക്കുന്ന ഇതര സംസ്ഥാന തൊഴിലാളികളുടെ എണ്ണം പൂജപ്പുര സെന്‍ട്രല്‍ ജയിലില്‍ ലഭ്യമല്ല

വിഭിന്ന ശേഷിക്കാരായ വിദ്യാര്‍ഥികളുടെ അവകാശ സംരക്ഷണം: സര്‍ക്കാര്‍ നിരീക്ഷിക്കണമെന്ന് മനുഷ്യാവകാശ കമ്മീഷന്‍

29 July 2019 1:38 PM GMT
2016 ലെ ഒരു വിഭിന്നശേഷിക്കാരുടെ അവകാശ സംരക്ഷണം സംബന്ധിച്ച നിയമത്തില്‍ സര്‍ക്കാരോ തദ്ദേശ സ്ഥാപനങ്ങളോ അംഗീകരിച്ചിട്ടുള്ള എല്ലാ വിദ്യാഭ്യാസ സ്ഥാപനങ്ങളിലും വിഭിന്നശേഷിക്കാരായ വിദ്യാര്‍ഥികള്‍ക്ക് യാതൊരു വിവേചനവും കൂടാതെ പഠനസൗകര്യം നല്‍കണമെന്ന് വ്യവസ്ഥ ചെയ്തിട്ടുള്ളതായി കമ്മീഷന്‍ ചൂണ്ടിക്കാണിച്ചു

ശമ്പളത്തിൽ നിന്നും പിടിച്ചത് 4,60,000; ബാങ്കിലടച്ചത് 50,000: അന്വേഷണത്തിന് മനുഷ്യാവകാശ കമ്മീഷൻ ഉത്തരവ്

12 July 2019 2:20 PM GMT
കെഎസ്ആർടിസി പാപ്പനംകോട് ടയർഷോപ്പിൽ നിന്നും ഇക്കഴിഞ്ഞ ജൂൺ 30 ന് വിരമിച്ച ചാർജ്മാൻ എം എസ് രവികുമാർ നൽകിയ പരാതിയിലാണ് നടപടി. കേരള സംസ്ഥാന ട്രാൻസ്പോർട്ട് വർക്കേഴ്സ് സൊസൈറ്റിയിൽ നിന്നും മൂന്നു ലക്ഷവും അനന്തപുരം ബാങ്കിൽ നിന്ന് ഒരു ലക്ഷവും രവികുമാർ വായ്പ എടുത്തിരുന്നു.

രാജ് കുമാറിന്റെ കസ്റ്റഡി മരണം: കുറ്റവാളികളായ പോലിസുകാര്‍ക്കെതിരെ യഥാസമയം നടപടി സ്വീകരിക്കാത്തതിന്റെ ഫലമെന്ന് ജസ്റ്റിസ് ആന്റണി ഡൊമിനിക്

11 July 2019 12:16 PM GMT
രാജ് കുമാറിന്റെ മരണവുമായി ബന്ധപ്പെട്ട് കമ്മീഷന്‍ ഒരാഴ്ചയ്ക്കകം സര്‍ക്കാരിന് വിശദമായ റിപോര്‍ട്ട് നല്‍കുമെന്നും കമ്മീഷന്‍ അധ്യക്ഷന്‍ ജസ്റ്റിസ് ആന്റണി സൊമിനിക് വ്യക്തമാക്കി.രാജ്കുമാറിന്റെ മരണവുമായി ബന്ധപ്പെട്ട് രജിസ്റ്റര്‍ ചെയ്ത കേസുകളുടെ തെളിവെടുപ്പിന്റെ ഭാഗമായി ജസ്റ്റിസ് ആന്റണി ഡൊമിനിക് പീരുമേട് സബ്ജയിലും നെടുങ്കണ്ടം പോലിസ് സ്റ്റേഷനും സന്ദര്‍ശിച്ചു

കലാലയങ്ങളിലെ മനുഷ്യാവകാശ ലംഘനം: ജസ്റ്റിസ് പി കെ ഷംസുദ്ദീന്‍ കമ്മീഷന്‍ കൊച്ചിയില്‍ തെളിവെടുപ്പ് നടത്തി

9 July 2019 1:39 PM GMT
തിരുവനന്തപുരം യൂനിവേഴ്‌സിറ്റി കോളജില്‍ നടന്ന പെണ്‍കുട്ടിയുടെ ആത്മഹത്യാശ്രമത്തെ തുടര്‍ന്ന് യൂനിയന്‍ പ്രവര്‍ത്തനങ്ങള്‍, ക്രമക്കേടുകള്‍, ജനാധിപത്യ വിരുദ്ധ പ്രവര്‍ത്തനങ്ങള്‍, പ്രവേശനം, പരീക്ഷ തുടങ്ങിയ കാര്യങ്ങളെ കുറിച്ച് അന്വേഷിക്കാനാണ് സ്വതന്ത്ര ജുഡീഷ്യല്‍ കമ്മീഷനെ നിയോഗിച്ചതെന്ന് പ്രഫ എ ജി ജോര്‍ജ് തേജസ് ന്യൂസിനോട് പറഞ്ഞു.കമ്മിഷന്റെ കാലാവധി രണ്ടു മാസമാണ്. ഈ മാസം കോഴിക്കോട് തെളിവെടുപ്പ് നടത്തും. ജൂലൈ അവസാനം റിപോര്‍ട്ട് പ്രസിദ്ധീകരിക്കുന്നതായിരിക്കുമെന്ന് ജസ്റ്റിസ് പി കെ ഷംസുദ്ദീന്‍ പറഞ്ഞു

കമ്പനികള്‍ മലിനീകരണ നിയന്ത്രണ ബോര്‍ഡിന്റെ നിര്‍ദ്ദേശങ്ങള്‍ അനുസരിക്കണമെന്ന് മനുഷ്യാവകാശ കമ്മീഷന്‍

6 July 2019 12:17 PM GMT
കമ്മീഷന്റെ നിര്‍ദ്ദേശാനുസരണം മലിനീകരണ നിയന്ത്രണ ബോര്‍ഡ് സ്ഥലം പരിശോധിച്ചു. പരിസരത്ത് മല്‍സ്യത്തിന്റെ ദുര്‍ഗന്ധം അനുഭവപ്പെടുന്നതായി റിപോര്‍ട്ടില്‍ പറയുന്നു. പുറത്തേക്കൊഴുക്കുന്ന വെള്ളത്തിലും ദുര്‍ഗന്ധമുണ്ട്. ഇതൊഴിവാക്കാന്‍ ആവശ്യമായ നവീകരണം നടത്തണമെന്ന് നിര്‍ദ്ദേശം നല്‍കിയിട്ടുണ്ട്

വിദ്യാര്‍ഥിനിയുടെ ചികില്‍സക്ക് സ്‌കൂള്‍ അധികൃതര്‍ പണം പിരിച്ചു പോക്കറ്റിലിട്ടു; അന്വേഷണത്തിന് മനുഷ്യാവകാശ കമ്മീഷന്‍ ഉത്തരവ്

5 July 2019 12:25 PM GMT
ചാലപ്പുറം ഗവ. ഗണപത് മോഡല്‍ ഹയര്‍ സെക്കന്ററി സ്‌കൂളിനെതിരെ അന്വേഷണം നടത്താനാണ് ജുഡീഷ്യല്‍ അംഗം പി മോഹനദാസ് ഉത്തരവിട്ടത്. വിദ്യാഭ്യാസ ഉപഡയറക്ടര്‍,ജില്ലാ കലക്ടര്‍, ജില്ലാ പോലീസ് മേധാവി എന്നിവര്‍ 15 ദിവസത്തിനകം അന്വേഷണ റിപോര്‍ട്ട് സമര്‍പ്പിക്കണം. കേസ് ജൂലൈ 17 ന് കോഴിക്കോട് ഗസ്റ്റ് ഹൗസില്‍ നടക്കുന്ന സിറ്റിംഗില്‍ പരിഗണിക്കും.അടുത്ത സമയം വിരമിച്ച ഹെഡ്മിസ്ട്രസ് ഉള്‍പ്പെടെ സ്‌കൂളിലുള്ള എല്ലാ അധ്യാപകരില്‍ നിന്നും വിശദീകരണം വാങ്ങി കമ്മീഷന് സമര്‍പ്പിക്കണമെന്നും വിദ്യാഭ്യാസ ഉപ ഡയറക്ടര്‍ക്ക് നിര്‍ദ്ദേശം നല്‍കി

ഗര്‍ഭസ്ഥ ശിശു മരിച്ച സംഭവം: ഡോക്ടര്‍മാര്‍ക്കെതിരെയുള്ള നടപടി അറിയിക്കണമെന്ന് മനുഷ്യാവകാശ കമ്മീഷന്‍

4 July 2019 12:51 PM GMT
ഇതു സംബന്ധിച്ച് സെന്‍ട്രല്‍ പോലിസ് സ്റ്റേഷനില്‍ രജിസ്റ്റര്‍ ചെയ്ത കേസില്‍ എറണാകുളം മെഡിക്കല്‍ ബോര്‍ഡില്‍ നിന്നും പോലിസ് ആവശ്യപ്പെട്ട വിദഗ്ദ്ധാഭിപ്രായം അടിയന്തിരമായി ലഭ്യമാക്കി കൊച്ചി അസിസ്റ്റന്റ് പോലിസ് കമ്മീഷണര്‍ റിപോര്‍ട്ട് സമര്‍പ്പിക്കണമെന്നും കമ്മീഷന്‍ ആവശ്യപ്പെട്ടു.മല്‍സ്യ തൊഴിലാളിയും ചെല്ലാനം മറുവക്കാട് സ്വദേശിയുമായ വി ആര്‍ ജയകുമാറിന്റെ ഭാര്യ നിഷാമോളുടെ ഗര്‍ഭസ്ഥ ശിശുവാണ് മരിച്ചത്. ജയകുമാറാണ് പരാതി നല്‍കിയത്

നീറ്റാ ജലാറ്റിന്‍ പുഴയിലേക്ക് രാസമാലിന്യം ഒഴുക്കുന്നുണ്ടോയെന്ന് പരിശോധിക്കണമെന്ന് മനുഷ്യാവകാശ കമ്മീഷന്‍

3 July 2019 11:55 AM GMT
കമ്പനി കടമ്പ്രയാറ്റിലേക്കും ചിത്രപുഴയിലേക്കും ഒഴുക്കിവിടുന്നത് അതിമാരകമായ രാസമാലിന്യങ്ങളാണെന്ന് ആരോപിച്ച് പ്രദേശവാസി എം എല്‍ ഗിരി നല്‍കിയ പരാതിയിലാണ് കമ്മീഷന്റെ നടപടി. പുഴയിലേക്കിറങ്ങാന്‍ നിവൃത്തിയില്ലെന്നും മത്സ്യങ്ങള്‍ ചത്തുപൊങ്ങുകയാണെന്നും പരാതിയില്‍ പറയുന്നു. കാന്‍സര്‍ അടക്കമുള്ള മാരകരോഗങ്ങള്‍ പരത്തുന്ന രാസ മാലിന്യങ്ങളാണ് കമ്പനി ഒഴുക്കുന്നതെന്നും പരാതിയിലുണ്ട്

പ്രളയ ദുരിതാശ്വാസ ക്യാംപില്‍ മരിച്ചയാളുടെ കുടുംബത്തിന് സര്‍ക്കാര്‍ നഷ്ടപരിഹാരം നല്‍കണമെന്ന് മനുഷ്യാവകാശ കമ്മീഷന്‍

27 Jun 2019 12:36 PM GMT
വടക്കേക്കര മുറവന്‍തുരുത്ത് സ്വദേശി കെ എസ് സതീശനാണ് പ്രളയസമയത്ത് ക്യാംപില്‍ ചികില്‍സകിട്ടാതെ മരിച്ചത്.കുടുംബത്തിന് സര്‍ക്കാര്‍ ധനസഹായം നല്‍കണമെന്ന് മനുഷ്യാവകാശ കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ഉത്തരവിട്ടു.റവന്യൂ വകുപ്പ് പ്രിന്‍സിപ്പല്‍ സ്രെക്രട്ടറിക്കാണ് കമ്മീഷന്‍ നിര്‍ദ്ദേശം നല്‍കിയത്

വിരമിച്ച പോലിസുദ്യോഗസ്ഥന്റെ നേതൃത്വത്തില്‍ ബേത്‌ലേഹം അഭയ ഭവനില്‍ മര്‍ദ്ദനം; ഡി വൈ എസ് പി അന്വേഷിക്കണമെന്ന് മനുഷ്യാവകാശ കമ്മീഷന്‍

25 Jun 2019 7:21 AM GMT
പള്ളുരുത്തി സ്വദേശി വി ജി ഷാജിയെ തല്ലി ഇടതുകൈയുടെ സ്വാധീനമില്ലാതാക്കിയെന്ന പരാതിയിലാണ് പെരുമ്പാവൂര്‍ ഡി വൈ എസ് പി അടിയന്തിരമായി അന്വേഷണം നടത്തി റിപോര്‍ട്ട് നല്‍കണമെന്ന് സംസ്ഥാന മനുഷ്യാവകാശ കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് ഉത്തരവിട്ടത്.ജില്ലാ സാമൂഹികനീതി വകുപ്പ് ഓഫീസറും അന്വേഷണം നടത്തി മൂന്നാഴ്ചയ്ക്കകം റിപോര്‍ട്ട് നല്‍കണമെന്ന് കമ്മീഷന്‍ നിര്‍ദ്ദേശിച്ചു. കേസ് ജൂലൈ 30 ന് പരിഗണിക്കും
Share it
Top