പുനര്വിവാഹിതയെന്ന് തെറ്റായ റിപോര്ട്ട് നല്കി വിധവാ പെന്ഷന് നിഷേധിച്ചു; ഐസിഡിഎസ് സൂപ്പര്വൈസര് നഷ്ടപരിഹാരം നല്കണമെന്ന് മനുഷ്യാവകാശ കമ്മീഷന്
കണ്ണൂര്: പുനര്വിവാഹിതയല്ലാത്ത സ്ത്രീ പുനര്വിവാഹിതയാണെന്ന് സാക്ഷ്യപത്രം നല്കിയതിനെത്തുടര്ന്ന് സാമൂഹിക സുരക്ഷാ പെന്ഷനായ വിധവാ പെന്ഷന് നിരസിക്കപ്പെട്ട സംഭവത്തില് ഐസിഡിഎസ് സൂപ്പര്വൈസര്ക്ക് മനുഷ്യാവകാശ കമ്മീഷന്റെ ശാസന. വീഴ്ച ആവര്ത്തിക്കരുതെന്ന് കമ്മീഷന് കര്ശന നിര്ദേശം നല്കി. സാക്ഷ്യപത്രം കാരണം വിധവാപെന്ഷന് നഷ്ടമായ സാഹചര്യത്തില് പരാതിക്കാരിക്ക് ഐസിഡിഎസ് സൂപ്പര്വൈസര് നഷ്ടപരിഹാരം നല്കണമെന്നും കമ്മീഷന് ജുഡീഷ്യല് അംഗം കെ ബൈജുനാഥ് ഉത്തരവിട്ടു.
പരാതിക്കാരിയായ പഴശ്ശി സ്വദേശിനി പി വി ടെസ്സിക്ക് എത്രയും വേഗം സാമൂഹിക സുരക്ഷാ പെന്ഷന് അനുവദിക്കണമെന്നും കമ്മീഷന് കുറ്റിയാട്ടൂര് ഗ്രാമപ്പഞ്ചായത്ത് സെക്രട്ടറിക്ക് നിര്ദേശം നല്കി. 2020 നവംബര് രണ്ടിന് ചേര്ന്ന കുറ്റിയാട്ടൂര് പഞ്ചായത്ത് ക്ഷേമകാര്യ സമിതിയാണ് പെന്ഷന് നിഷേധിച്ചത്. ഇത് മുതല് ഇനി പെന്ഷന് അനുവദിക്കുന്ന തിയ്യതി വരെയുള്ള കാലയളവിലെ പെന്ഷന് തുക എത്രയാണെന്ന് കുറ്റിയാട്ടൂര് പഞ്ചായത്ത് സെക്രട്ടറി ഐസിഡിഎസ് സൂപ്പര്വൈസറെ അറിയിക്കണം. അറിയിപ്പ് ലഭിച്ച് രണ്ടാഴ്ചയ്ക്കകം സൂപ്പര്വൈസര് പ്രസ്തുത തുക പരാതിക്കാരിക്ക് കൈമാറണമെന്നും ഉത്തരവില് പറയുന്നു. തുക നല്കിയ ശേഷം ഐസിഡിഎസ് സൂപ്പര്വൈസര് കമ്മീഷനില് നടപടി റിപോര്ട്ട് സമര്പ്പിക്കണം.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
