Sub Lead

ഗോധ്രയിലേതു പോലെ പാകിസ്താനില്‍ കൂട്ടക്കൊല നടത്തൂ; മോദിക്ക് സാധ്വി പ്രാചിയുടെ ഉപദേശം

പാകിസ്താനില്‍ കൂട്ടക്കൊല നടത്തുകയാണെങ്കില്‍ രാജ്യം മുഴുവന്‍ താങ്കളുടെ കാലില്‍ വീഴും. റാവല്‍ പിണ്ടിയും കറാച്ചിയും കത്തിച്ചാമ്പലാകാതെ തീവ്രവാദം അവസാനിക്കില്ലെന്നും ബിജെപി നേതാവ് കൂട്ടിച്ചേര്‍ത്തു.

ഗോധ്രയിലേതു പോലെ പാകിസ്താനില്‍ കൂട്ടക്കൊല നടത്തൂ; മോദിക്ക് സാധ്വി പ്രാചിയുടെ ഉപദേശം
X

ന്യൂഡല്‍ഹി: ഗോദ്രയിലേതിനു സമാനമായി പാകിസ്താനില്‍ കൂട്ടക്കൊല നടത്തണമെന്ന് പ്രധാനമന്ത്രി നരേന്ദ്ര മോദിയോട് ബിജെപി നേതാവ് സാധ്വി പ്രാചി. പാകിസ്താനില്‍ കൂട്ടക്കൊല നടത്തുകയാണെങ്കില്‍ രാജ്യം മുഴുവന്‍ താങ്കളുടെ കാലില്‍ വീഴും. റാവല്‍ പിണ്ടിയും കറാച്ചിയും കത്തിച്ചാമ്പലാകാതെ തീവ്രവാദം അവസാനിക്കില്ലെന്നും ബിജെപി നേതാവ് കൂട്ടിച്ചേര്‍ത്തു. പുല്‍വാമ ആക്രമണത്തേക്കുറിച്ച് മാധ്യമങ്ങളോട് പ്രതികരിക്കവെയായിരുന്നു സാധ്വി പ്രാചിയുടെ കൊലവിളി.

ബിജെപി നേതാവിന്റെ വംശഹത്യാ ആഹ്വാനം സോഷ്യല്‍ മീഡിയയില്‍ ചര്‍ച്ചയായിക്കഴിഞ്ഞു. 2002ലെ ഗോധ്ര ട്രെയിന്‍ തീപ്പിടിത്തത്തില്‍ മോദിയുടെ പങ്ക് സ്ഥിരീകരിക്കുന്നതാണ് സാധ്വി പ്രാചിയുടെ പ്രസ്താവനയെന്ന് മാധ്യമപ്രവര്‍ത്തകനായ രവി നായര്‍ ചൂണ്ടിക്കാട്ടി. സാധ്വി പ്രാചിയുടെ പ്രസ്താവന രണ്ടു കാര്യങ്ങള്‍ വ്യക്തമാക്കുന്നതായി രവി നായര്‍ ട്വീറ്റ് ചെയ്തു. ഒന്ന്, മോദി സര്‍ക്കാര്‍ തിരഞ്ഞെടുപ്പിന് മുമ്പായി വടക്കു പടിഞ്ഞാറന്‍ അതിര്‍ത്തിയില്‍ ചില നാടകങ്ങള്‍ നടത്തും. രണ്ടാമതായി, ഗോധ്രയില്‍ കലാപത്തിന് പിന്നില്‍ പ്രവര്‍ത്തിച്ചത് ആരാണെന്ന് അവര്‍ പരസ്യമായി തുറന്നു പറഞ്ഞിരിക്കുന്നു-രവി നായര്‍ ചൂണ്ടിക്കാട്ടി.

Next Story

RELATED STORIES

Share it