ഫലസ്തീന് ഭുമി പിടിച്ചെടുക്കലും അധിനിവേശവും: ഇസ്രായേലിനെതിരേ കര്ക്കശ നിലപാടുമായി ബൈഡന് ഭരണകൂടം
കുടിയേറ്റവും ഫലസ്തീന് ഭൂമി പിടിച്ചെടുക്കലും ഭവനങ്ങള് തകര്ക്കലും അവസാനിപ്പിക്കണമെന്ന് യുഎസ് സ്റ്റേറ്റ് ഡിപ്പാര്ട്ട്മെന്റ് വക്താവ് ഇസ്രായേലിനോട് ആവശ്യപ്പെട്ടിരിക്കുകയാണ്.
വാഷിങ്ടണ്: അധിനിവിഷ്ട ഫലസ്തീന് പ്രദേശങ്ങളിലെ ഇസ്രായേല് നരനായാട്ടിന് മൗനാനുവാദം നല്കി കൂടെനിന്ന മുന് പ്രസിഡന്റ് ഡോണള്ഡ് ട്രംപ് ഭരണകൂടത്തില്നിന്ന് വ്യത്യസ്ഥമായി സയണിസ്റ്റ് രാജ്യത്തിനെതിരേ കര്ക്കശ നിലപാടുമായി ബൈഡന് ഭരണകൂടം.
കുടിയേറ്റവും ഫലസ്തീന് ഭൂമി പിടിച്ചെടുക്കലും ഭവനങ്ങള് തകര്ക്കലും അവസാനിപ്പിക്കണമെന്ന് യുഎസ് സ്റ്റേറ്റ് ഡിപ്പാര്ട്ട്മെന്റ് വക്താവ് ഇസ്രായേലിനോട് ആവശ്യപ്പെട്ടിരിക്കുകയാണ്. അധിനിവേശ ജോര്ദാന് താഴ്വരയിലെ ഫലസ്തീന് ഗ്രാമമായ ഹംസയില് ഇസ്രായേല് അധികൃതര് നിരവധി ഫലസ്തീന് ഭവനങ്ങള് തകര്ത്തതിന് പിന്നാലെയാണ് പേര് വെളിപ്പെടുത്താത്ത വക്താവിന്റെ പ്രതികരണമെത്തിയത്. എന്താണ് സംഭവിക്കുന്നതെന്ന് തങ്ങള്ക്ക് അറിയാമെന്നും വക്താവ് ഫലസ്തീന് ദിനപത്രത്തോട് പറഞ്ഞു.
സംഘര്ഷം വര്ധിപ്പിക്കുകയും ദ്വിരാഷ്ട്ര പരിഹാര ശ്രമങ്ങളെ ദുര്ബലപ്പെടുത്തുകയും ചെയ്യുന്ന ഏകപക്ഷീയമായ നടപടികള് ഇസ്രായേലും ഫലസ്തീന് അതോറിറ്റിയും കൈകൊള്ളില്ലെന്ന് തങ്ങള് കരുതുന്നതായും അദ്ദേഹം പറഞ്ഞു. 'ഭൂമി പിടിച്ചെടുക്കല്, കുടിയേറ്റം, ഭവനങ്ങള് തകര്ക്കല്, അക്രമത്തിന് പ്രേരിപ്പിക്കല് തുടങ്ങിയ പ്രവര്ത്തനങ്ങളില് ഇരു വിഭാഗവും ഏര്പ്പെടരുതെന്നും അദ്ദേഹം ആവശ്യപ്പെട്ടു.
ട്രംപിന്റെ ഭരണകാലയളവില് യുഎസ് സ്റ്റേറ്റ് ഡിപ്പാര്ട്ട്മെന്റ് ഇസ്രായേല് അധിനിവേശത്തെ ഒരിക്കലും വിമര്ശിച്ചിരുന്നില്ലെന്നു മാത്രമല്ല മൗനാനുവാദവും നല്കിയിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT