ഇന്ത്യയിലെ വിദ്വേഷത്തിന്റെ പേരിലുള്ള അക്രമങ്ങള്‍ നിര്‍ത്തണമെന്ന് യുഎന്‍

യുനൈറ്റഡ്‌നേഷന്‍സ്: ഇന്ത്യയില്‍ മതവിവേചനത്തിന്റെയും വിദ്വേഷത്തിന്റെയും അടിസ്ഥാനത്തിലുള്ള എല്ലാ അക്രമങ്ങളും അവസാനിപ്പിക്കണമെന്ന് ഐക്യരാഷ്ട്രസംഘടന(യുഎന്‍). എല്ലാമതങ്ങളോടും യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസിന് ആദരവാണുള്ളതെന്നും അദ്ദേഹത്തിന്റെ മുഖ്യവക്താവ് സ്റ്റീഫന്‍ ദുജാറിക് മാധ്യമപ്രവര്‍ത്തകരോട് പറഞ്ഞു. പ്രവാചകനിന്ദയെ തുടര്‍ന്നുള്ള സംഘര്‍ഷത്തിന്റെ പശ്ചാത്തലത്തിലാണ് പ്രതികരണം. തങ്ങളുടെ നിലപാട് നേരത്തേ വ്യക്തമാക്കിയതാണ്. ഏതു രീതിയിലുമുള്ള വിദ്വേഷ പ്രസംഗമോ അതിന് പ്രേരണ നല്‍കുന്നതോ നിര്‍ത്തണമെന്നും വക്താവ് കൂട്ടിച്ചേര്‍ത്തു.