ഇന്ന് ഷഹനയുടെ ജന്മദിനം: ആത്മഹത്യ ചെയ്യില്ല; കൊലപാതകമെന്ന് ഉമ്മ

കോഴിക്കോട്: മോഡലും നടിയുമായ ഷഹനയുടെ മരണം കൊലപാതകമെന്ന് ബന്ധുക്കള്‍. ഇതിന് മുമ്പും ഭര്‍ത്താവായ സജ്ജാദ് ഷഹനയെ നിരന്തരം ഉപദ്രവിച്ചിരുന്നതായും ഉമ്മയുടെയും അനിയത്തിയുടേയും വാക്ക് കേട്ട് വഴക്കുണ്ടാക്കുകയും ഷഹനയെ മര്‍ദ്ദിക്കുകയും ചെയ്തിരുന്നതായി സഹോദരന്‍ ആരോപിച്ചു. ഷഹന ധൈര്യവതിയായിരുന്നുവെന്നും ആത്മഹത്യ ചെയ്യാന്‍ യാതൊരു സാധ്യതയുമില്ലെന്നും അദ്ദേഹം പറഞ്ഞു.

ഭര്‍ത്താവ് സജ്ജാദ് ഷഹനെയെ നിരന്തരം പീഡിപ്പിച്ചിരുന്നതായി മാതാവ് ഉമൈബയും ആരോപിച്ചു. ഇന്ന് ഷഹനയുടെ ജന്മദിനമാണെന്നും ആത്മഹത്യ ചെയ്യില്ലെന്നും അവര്‍ പറഞ്ഞു.

ഇന്നലെ വിളിക്കുകയും ഷഹന ജന്മദിന പാര്‍ട്ടിക്ക് ക്ഷണിക്കുകയും ചെയ്തിരുന്നതായും അവര്‍ പറഞ്ഞു. അതേസമയം, മരണവുമായി ബന്ധപ്പെട്ട് സജ്ജാദിനെ പോലിസ് കസ്റ്റഡിയിലെടുത്തിട്ടുണ്ട്.