ടിക് ടോക് റീല്സ് താരം ബലാത്സംഗക്കേസില് പിടിയില്
തിരുവനന്തപുരം: ടിക് ടോക്, റീല്സ് താരം വിനീത് ബലാത്സംഗക്കേസില് പോലിസ് പിടിയില്. കോളജ് വിദ്യാര്ഥിയെ ബലാത്സംഗം ചെയ്ത കേസിലാണ് ഇയാളെ പോലിസ് പിടികൂടിയത്. ഇന്സ്റ്റഗ്രാം റീല്സിലൂടെ പരിചയപ്പെടുന്ന സ്ത്രീകളുമായി ബന്ധം സ്ഥാപിക്കുന്ന ഇയാള് ഇവരുമൊത്തുള്ള സ്വകാര്യ ദൃശ്യങ്ങള് മൊബൈലില് പകര്ത്തിയിരുന്നു. മാത്രമല്ല, ഇവരുമൊത്തുള്ള സ്വകാര്യ ചാറ്റുകള് റെക്കോര്ഡ് ചെയ്ത് സൂക്ഷിക്കുകയും ചെയ്തിരുന്നു. തിരുവനന്തപുരം ചിറയിന്കീഴ് സ്വദേശിയാണ് വിനീത്. ഇയാളുടെ ഫോണ് പരിശോധിച്ച പോലിസ് സംഘത്തിന് ഒട്ടേറെ സ്ത്രീകള് വിനീതിന്റെ വലയില് കുടുങ്ങിയതായി കണ്ടെത്തി.
കാര് വാങ്ങാന് ഒപ്പം ചെല്ലാന് ആവശ്യപ്പെട്ട വിദ്യാര്ത്ഥിനിയെ തലസ്ഥാനത്തെ സ്വകാര്യ ഹോട്ടലില് എത്തിച്ച് ബലാത്സംഗം ചെയ്തു എന്നാണ് പരാതി. ഇയാളുടെ മൊബൈല് ഫോണില് നിന്ന് ലഭിച്ച മറ്റ് യുവതികളുമായുള്ള സ്വകാര്യ ദൃശ്യങ്ങളും ചാറ്റുകളും കാട്ടി അവരെ ഭീഷണിപ്പെടുത്തി ഇയാള് പണം തട്ടിയിട്ടുണ്ടോ എന്നുള്ളതും പൊലീസ് അന്വേഷിച്ചു വരികയാണ്.
ടിക് ടോകില് വീഡിയോകള് ഇട്ട് താരമായ വിനീത് പിന്നീട് പല സമൂഹ മാധ്യമങ്ങളിലും വീഡിയോകളിട്ട് ഫാന്സ് വലയം തന്നെയുണ്ടാക്കി. വീട്ടമ്മമാരെയും പെണ്കുട്ടികളേയും സമീപിച്ച് സമൂഹ മാധ്യമങ്ങളില് വൈറലാകാനുള്ള ടിപ്സ് നല്കി സൗഹൃദം സ്ഥാപിക്കുന്നതാണ് വിനീതിന്റെ രീതി. പോലിസില് ജോലി ഉണ്ടായിരുന്ന താന് ചില ശാരീരിക പ്രശ്നങ്ങള് കാരണം ജോലി രാജി വെച്ചു എന്നും ഇപ്പൊള് ഒരു പ്രമുഖ ചാനലില് ജോലി ചെയ്യുന്നു എന്നുമാണ് ഇയാള് സൗഹൃദം സ്ഥാപിക്കുന്ന യുവതികളോട് പറയുന്നത്. എന്നാല് സമൂഹ മാധ്യമങ്ങളില് റീല്സ് ഇടുന്നത് അല്ലാതെ ഇയാള്ക്ക് മറ്റ് ജോലികള് ഇല്ല എന്നാണ് പോലിസ് പറയുന്നത്. ഇയാള്ക്കെതിരെ കണ്ടോണ്മെന്റ് പോലിസ് സ്റ്റേഷനില് മോഷണവും കിളിമാനൂര് പൊലീസ് സ്റ്റേഷനില് അടിപിടി കേസും ഉള്ളതായി പോലിസ് പറഞ്ഞു.
RELATED STORIES
മസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMTഅരുണാചലിൽ മണ്ണിടിച്ചിൽ; ചൈന അതിർത്തിയിലേക്കുള്ള ദേശീയപാത തകർന്നു
25 April 2024 10:51 AM GMTവെറ്ററിനറി സർവ്വകലാശാല മുൻ വിസിയുടെ സസ്പെൻഷൻ: ഗവർണറുടെ നടപടി ഹൈക്കോടതി ...
25 April 2024 10:50 AM GMTയുഎസ് കാംപസുകളില് ഫലസ്തീന് അനുകൂല പ്രതിഷേധങ്ങള് ആളിക്കത്തുന്നു;...
25 April 2024 10:48 AM GMT