ബാബരി മസ്ജിദ് കേസ് നാളെ സുപ്രീം കോടതിയില്
ഭൂമിതര്ക്ക കേസില് രമ്യമായ പരിഹാരം കണ്ടെത്തണമെന്നാണ് സുപ്രീം കോടതി നിലപാട്. അതില് കക്ഷികള്ക്ക് മധ്യസ്ഥരെ നിര്ദേശിക്കാമെന്നും ചീഫ് ജസ്റ്റിസ് നേരത്തെ അറിയിച്ചിരുന്നു. പ്രശ്ന പരിഹാരത്തിന് ഒരു ശതമാനമെങ്കിലും സാധ്യതയുണ്ടെങ്കില് അതു പരിഗണിക്കുക എന്ന നിലപാട് സ്വീകരിച്ചാണ് മധ്യസ്ഥചര്ച്ചകള്ക്ക് സുപ്രീംകോടതി വഴിയൊരുക്കിയത്.
ന്യൂഡല്ഹി: അയോധ്യ ബാബരി മസ്ജിദ് കേസ് നാളെ സുപ്രീം കോടതിയില്. ചീഫ് ജസ്റ്റിസ് രഞ്ജന് ഗൊഗോയി അധ്യക്ഷനായ അഞ്ചംഗ ഭരണഘടനാ ബഞ്ചാണ് വിഷയം പരിഗണിക്കുക. ജസ്റ്റിസ് എസ് എ ബോബ്ഡെ, ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് അശോക് ഭൂഷണ്, ജസ്റ്റിസ് അബ്ദുള് നസീര് എന്നിവരാണ് ബഞ്ചിലെ മറ്റ് ജഡ്ജിമാര്. മാര്ച്ച് എട്ടിന് സുപ്രീം കോടതി നിയമിച്ച മധ്യസ്ഥ സമിതി റിപ്പോര്ട്ട് സമര്പ്പിച്ചതിനെ തുടര്ന്നാണ് കേസ് നാളെ പരിഗണിക്കാന് തീരുമാനമായത്.
സുപ്രീം കോടതിയിലെ വിരമിച്ച ജഡ്ജി ജസ്റ്റിസ് ഫക്കീര് മുഹമ്മദ് ഇബ്രാഹീം ഖലീഫുള്ളയുടെ മേല്നോട്ടത്തിലായിരുന്നു മധ്യസ്ഥ സമിതി പ്രവര്ത്തിച്ചിരുന്നത്. മുന് ജഡ്ജി ശ്രീറാം പഞ്ചു, ശ്രീ ശ്രീ രവിശങ്കര് എന്നിവരാണ് മറ്റു അംഗങ്ങള്. എട്ട് ആഴ്ചയ്ക്കുള്ളില് കക്ഷികളുമായി സംസാരിച്ച് മധ്യസ്ഥ സമിതി റിപ്പോര്ട്ട് സമര്പ്പിക്കണമെന്നായിരുന്നു മാര്ച്ച് എട്ടിന് സുപ്രീം കോടതി ആവശ്യപ്പെട്ടത്. മധ്യസ്ഥ ചര്ച്ചയുടെ വിശദാംശങ്ങള് പ്രസിദ്ധീകരിക്കുന്നതിന് മാധ്യമങ്ങള്ക്ക് കോടതി വിലക്കേര്പ്പെടുത്തിയിരുന്നു.
ഭൂമിതര്ക്ക കേസില് രമ്യമായ പരിഹാരം കണ്ടെത്തണമെന്നാണ് സുപ്രീം കോടതി നിലപാട്. അതില് കക്ഷികള്ക്ക് മധ്യസ്ഥരെ നിര്ദേശിക്കാമെന്നും ചീഫ് ജസ്റ്റിസ് നേരത്തെ അറിയിച്ചിരുന്നു. പ്രശ്ന പരിഹാരത്തിന് ഒരു ശതമാനമെങ്കിലും സാധ്യതയുണ്ടെങ്കില് അതു പരിഗണിക്കുക എന്ന നിലപാട് സ്വീകരിച്ചാണ് മധ്യസ്ഥചര്ച്ചകള്ക്ക് സുപ്രീംകോടതി വഴിയൊരുക്കിയത്. മധ്യസ്ഥ ചര്ച്ചയില് ഉരുതിരിയുന്ന ഒത്തുതീര്പ്പ് വ്യവസ്ഥ എന്താണോ അത് സുപ്രീംകോടതിക്ക് വിധിക്ക് തുല്യമായിരിക്കും എന്ന് കോടതി വ്യക്തമാക്കിയിട്ടുണ്ട്.
അതേസമയം, മധ്യസ്ഥരെ നിയോഗിക്കണമെന്ന സുപ്രീം കോടതി നിലപാടില് ഹിന്ദു സംഘടനകള് എതിര്പ്പ് പ്രകടിപ്പിച്ചിരുന്നു. രാമക്ഷേത്രം നിര്മ്മിക്കുന്നതില് കുറഞ്ഞ ഒത്തുതീര്പ്പിനില്ലെന്നാണ് ഹിന്ദു മഹാസഭയുടെ നിലപാട്. വിശ്വാസവും ആചാരവും സംബന്ധിച്ച വിഷയങ്ങളില് ഒത്തുതീര്പ്പ് സാധ്യമല്ലെന്നാണ് കേസില് കക്ഷിയായ രാംലല്ല കോടതിയില് വ്യക്തമാക്കിയത്. ഒത്തുതീര്പ്പിന് സാധ്യതയുണ്ടെങ്കിലേ മധ്യസ്ഥ ചര്ച്ചകള്ക്ക് വിടാവൂ എന്ന നിലപാടായിരുന്നു യുപി സര്ക്കാരും സ്വീകരിച്ചിരുന്നത്.
എന്നാല്, സുപ്രീംകോടതിയുടെ മധ്യസ്ഥനീക്കത്തോട് യോജിപ്പെന്ന് മുസ്ലിം സംഘടനകളും വ്യക്തമാക്കിയിട്ടുണ്ട്. മധ്യസ്ഥ ചര്ച്ചകളോട് സഹകരിക്കാമെന്ന നിലപാടായിരുന്നു സുന്നി വഖഫ് ബോര്ഡിന്റേത്.
അയോധ്യക്കേസ് കേവലം ഭൂമിതര്ക്കകേസല്ലെന്ന് സുപ്രീംകോടതി നേരത്തെ നിരീക്ഷിച്ചിരുന്നു. ഇതാണ് അപൂര്വ്വമായ മധ്യസ്ഥ ചര്ച്ച എന്ന വഴി കോടതി തെരഞ്ഞെടുത്തത്.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT