പാനൂരില് സ്പീക്കര് എ എന് ഷംസീര് സഞ്ചരിച്ച വാഹനത്തില് കാറിടിച്ചു
കണ്ണൂര്: നിയമസഭാ സ്പീക്കര് എ എന് ഷംസീര് സഞ്ചരിച്ച കാറില് സ്വകാര്യ വ്യക്തിയുടെ കാറിടിച്ചു. പാനൂര് ജങ്ഷനിലാണ് സംഭവം. തലശ്ശേരിയില് നിന്നു കല്ലിക്കണ്ടി ഭാഗത്തേക്ക് വരുന്നതിനിടെയാണ് സ്പീക്കറുടെ വാഹനം അപകടത്തില്പ്പെട്ടത്. പൈലറ്റ് വാഹനം കടന്ന് പോയ ഉടനെ തെറ്റായ ദിശയില് നിന്നെത്തിയ കാറിടിക്കുകയായിരുന്നു. കാറുകാരനോട് വാഹനമെടുക്കരുതെന്ന് സ്ഥലത്തുണ്ടായിരുന്ന ഹോം ഗാര്ഡ് ആംഗ്യം കാട്ടിയിരുന്നെങ്കിലും ഇത് ശ്രദ്ധിക്കാതെ കാര് മുന്നോട്ട് വന്നതാണ് അപകടത്തിനു കാരണം. ഈ സമയം സിഗ്നല് സംവിധാനം പ്രവര്ത്തിപ്പിക്കാതിരുന്നതും അപകടത്തിന് കാരണമായി. സ്പീക്കറുടെ വാഹനത്തിന്റെ ബോണറ്റിലാണ് കാറിടിച്ചത്. സംഭവത്തില് ആര്ക്കും പരിക്കേറ്റിട്ടില്ല. അല്പ്പസമയത്തിനു ശേഷം സ്പീക്കര് അതേ കാറില് തന്നെ യാത്ര തുടര്ന്നു. എ എന് ശംസീറിന്റെ പ്രസംഗം സംഘപരിവാരം വിവാദമാക്കുകയും നേതാക്കള് തമ്മില് വാക് പോര് കനക്കുകയും ചെയ്ത പശ്ചാത്തലത്തിലുണ്ടായ അപകടം പോലിസുകാരെ ആശങ്കയിലാഴ്ത്തി. ആക്രമണസാധ്യത കണക്കിലെടുത്ത് ശംസീറിന്റെയും പി ജയരാജന്റെയും സുരക്ഷ വര്ധിപ്പിച്ചിരുന്നു. സംഭവത്തില് സുരക്ഷാവീഴ്ച ഉണ്ടായോ എന്നും പരിശോധിക്കുന്നുണ്ട്.
RELATED STORIES
ഗസയിലെ ആക്രമണങ്ങളില് പ്രതിഷേധിച്ച് ഇസ്രായേലുമായുള്ള വ്യാപാര ബന്ധം...
3 May 2024 5:58 PM GMTഅബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMT