ശബരിമല, സിഎഎ കേസുകള്‍ പിന്‍വലിക്കാനുള്ള തീരുമാനം സ്വാഗതാര്‍ഹം: ജിഫ്‌രി തങ്ങള്‍

കോഴിക്കോട്: ശബരിമല, പൗരത്വ നിയമ സമരങ്ങളുമായി ബന്ധപ്പെട്ട് പോലിസ് എടുത്ത കേസുകള്‍ പിന്‍വലിക്കാനുള്ള സംസ്ഥാന സര്‍ക്കാര്‍ തീരുമാനത്തെ സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ സ്വാഗതം ചെയ്തു. ഇന്നു ചേര്‍ന്ന മന്ത്രിസഭാ യോഗത്തിലാണ് ശബരിമല, പൗരത്വ നിയമ സമരങ്ങളുമായി ബന്ധപ്പെട്ട ഗുരുതര സ്വഭാവമില്ലാത്ത കേസുകള്‍ പിന്‍വലിക്കാന്‍ സര്‍ക്കാര്‍ തീരുമാനിച്ചത്. എന്നാല്‍ പൊതുമുതല്‍ നശിപ്പിക്കല്‍, സത്രീകള്‍ക്കെതിരായ ആക്രമണം, മത സപര്‍ധ വളര്‍ത്താനുള്ള നീക്കം എന്നീ വകുപ്പുകള്‍ ചുമത്തിയ കേസുകള്‍ പിന്‍വലിക്കുക നിയമോപദേശത്തിനു ശേഷമായിരിക്കുമെന്ന് സര്‍ക്കാര്‍ അറിയിച്ചിരുന്നു.

Sabarimala and CAA cases withdrawn welcomed samastha