Top

യുപി പോലിസിനെ വളഞ്ഞിട്ട് തല്ലി ആര്‍എസ്എസ് പ്രവര്‍ത്തകര്‍; വീഡിയോ വൈറല്‍

നടുറോഡിലിട്ടാണ് ആര്‍എസ്എസ് പ്രാദേശിക നേതാക്കളുടെ നേതൃത്വത്തില്‍ പോലിസിനെ വളഞ്ഞിട്ട് തല്ലുന്നത്. സംഭവത്തിന്റെ വീഡിയോ സാമൂഹിക മാധ്യമങ്ങളില്‍ വൈറലായി.

യുപി പോലിസിനെ വളഞ്ഞിട്ട് തല്ലി ആര്‍എസ്എസ് പ്രവര്‍ത്തകര്‍; വീഡിയോ വൈറല്‍
X

ലഖ്‌നോ: ഉത്തര്‍പ്രദേശ് പോലിസിന് നേരെ ആര്‍എസ്എസ്-ബിജെപി പ്രവര്‍ത്തകരുടെ ആക്രമണം. നടുറോഡിലിട്ടാണ് ആര്‍എസ്എസ് പ്രാദേശിക നേതാക്കളുടെ നേതൃത്വത്തില്‍ പോലിസിനെ വളഞ്ഞിട്ട് തല്ലുന്നത്. സംഭവത്തിന്റെ വീഡിയോ സാമൂഹിക മാധ്യമങ്ങളില്‍ വൈറലായി.

വൃന്ദാവനിലെ കുംഭ് മേഖലയിലാണ് സംഭവം അരങ്ങേറിയതെന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു. നിയന്ത്രണം ലംഘിച്ച് യമുന നദിയില്‍ ഇറങ്ങിയ ആര്‍എസ്എസ് പ്രചാരകിനെ പോലിസ് തടഞ്ഞതാണ് സംഘര്‍ഷത്തിന് കാരണം. ആര്‍എസ്എസ് സിലാ പ്രചാരക് മനോജ് കുമാറിനെ പോലിസ് അപമാനിച്ചെന്ന് ആരോപിച്ച് അക്രമി സംഘം പോലിസിന് നേരെ തിരിയുകയായിരുന്നു. ഇതോടെ സമീപ പ്രദേശത്ത് നിന്ന് ആര്‍എസ്എസ്-ബിജെപി പ്രവര്‍ത്തകര്‍ സംഘടിച്ചെത്തി പോലിസിന് എതിരേ മുദ്രാവാക്യം വിളിച്ചു. പോലിസുകാരെ മര്‍ദിക്കുന്നതും ഹെല്‍മെറ്റ് കൊണ്ട് അടിക്കുന്നതും വീഡിയോയില്‍ കാണാം.

ജില്ലാ മജിസ്‌ട്രേറ്റും എസ്എസ്പിയും അധികം വൈകാതെ സംഭവസ്ഥലത്തെത്തി. ഗോഗുല്‍ എംഎല്‍എ പൂരന്‍ പ്രകാശ്, സര്‍ക്കിള്‍ ഓഫിസര്‍, കുംഭ് എസ്‌ഐ എന്നിവരും സ്ഥലത്തെത്തി. പോലിസുകാരെ അക്രമിച്ച സംഭവത്തില്‍ ആര്‍എസ്എസ് പ്രചാരക് മനോജ് കുമാറിനെതിരേ കേസെടുത്തിട്ടുണ്ട്.

Next Story

RELATED STORIES

Share it