8 ജില്ലകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി; വിശദമായി അറിയാം
തിരുവനന്തപുരം: കനത്ത മഴ തുടരുന്ന പശ്ചാത്തലത്തില് നാളെ ഏഴ് ജില്ലകളില് വിദ്യാഭ്യാസ സ്ഥാപനങ്ങള്ക്ക് കലക്ടര്മാര് അവധി പ്രഖ്യാപിച്ചു. കോഴിക്കോട്, വയനാട്, പാലക്കാട്, ഇടുക്കി, ആലപ്പുഴ, തൃശൂര്, കോട്ടയം, കണ്ണൂര് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചത്. നിലവില് നാളെ ഒരു ജില്ലയിലും റെഡ് അലേര്ട്ട് പ്രഖ്യാപിട്ടില്ല. എന്നാല്, മലപ്പുറം, കോഴിക്കോട്, വയനാട്, കണ്ണൂര്, കാസര്കോഡ് ജില്ലകളില് നാളെ ഓറഞ്ച് അലേര്ട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
പാലക്കാട് ജില്ലയിലെ പ്രഫഷനല് കോളജുകളും അങ്കണവാടികളും ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചിട്ടുണ്ട്. എന്നാല്, മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല. സ്വകാര്യ ട്യൂഷന് കേന്ദ്രങ്ങള്, മദ്റസകള്, കിന്ഡര് ഗാര്ട്ടനുകള് എന്നിവ ഉള്പ്പെടെ ക്ലാസുകള് ഒഴിവാക്കേണ്ടതാണ്. കുട്ടികള് തടയണകളിലും പുഴകളിലും ഇറങ്ങാതെ വീട്ടില് തന്നെ സുരക്ഷിതമായി ഇരിക്കാന് ശ്രദ്ധിക്കേണ്ടതാണെന്നും കലക്ടര് അറിയിപ്പില് വ്യക്തമാക്കി. മേഖല, ജില്ലാതലങ്ങളില് മുന്കൂട്ടി നിശ്ചയിച്ച പാഠ്യ, പാഠ്യേതര പരിപാടികള് നടത്തുന്നുണ്ടെങ്കില് സംഘാടകര് ഔദ്യോഗികാനുമതി വാങ്ങേണ്ടതും വിദ്യാര്ഥികളുടെ പൂര്ണ സുരക്ഷിതത്വം ഉറപ്പാക്കേണ്ടതുമാണെന്നും അറിയിപ്പിലുണ്ട്. ഇതോട
തൃശൂര് ജില്ലയില് മഴയും പല സ്ഥലങ്ങളില് വെള്ളക്കെട്ടും മണ്ണിടിച്ചിലിനുള്ള സാധ്യതയും കണക്കിലെടുത്താണ് പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് അവധി പ്രഖ്യാപിച്ചത്. അങ്കണവാടികള്, ട്യൂഷന് സെന്ററുകള് എന്നിവക്കും അവധി ബാധകമാണ്. അതേസമയം, പൂര്ണമായും റസിഡന്ഷ്യലായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമുണ്ടാവില്ല.
കോഴിക്കോട് ജില്ലയിലെ അങ്കണവാടികള്ക്കും അവധി ബാധകമാണെന്നു കലക്ടര് അറിയിച്ചു. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമുണ്ടാവില്ല.
വയനാട് ജില്ലയിലെ ട്യൂഷന് സെന്ററുകള്, അങ്കണവാടികള്, പ്രഫഷനല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് നാളെ ജില്ലാ കലക്ടര് ഡി ആര് മേഘശ്രീ അവധി പ്രഖ്യാപിച്ചു. എംആര്എസ് സ്കൂളുകള്ക്ക് അവധി ബാധകമല്ല.
ഇടുക്കി ജില്ലയില് മഴയും ശക്തമായ കാറ്റ്, മണ്ണിടിച്ചില് സാധ്യത എന്നിവ നിലനില്ക്കുന്നതിനാലാണ് അവധി പ്രഖ്യാപിച്ചത്. അങ്കണവാടികള്, മദ്റസ, കിന്ഡര് ഗാര്ഡന്, ട്യൂഷന് സെന്ററുകള് എന്നിവയ്ക്കും അവധി ബാധകമാണ്. പൂര്ണമായും റസിഡന്ഷ്യല് ആയി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും മുന്കൂട്ടി നിശ്ചയിച്ച പരീക്ഷകള്ക്കും അവധി ബാധകമല്ല.
ആലപ്പുഴ, കോട്ടയം ജില്ലകളില് മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല.
പത്തനംതിട്ട ജില്ലയില് ദുരിതാശ്വാസ ക്യാംപ് പ്രവര്ത്തിക്കുന്ന സ്കൂളുകള്ക്ക് അവധി. തിരുവല്ല നെടുംപ്രയാര് എംടിഎല്പി സ്കൂളിനും വെണ്ണിക്കുളം സെന്റ് ബെഹനാന്സ് യുപി സ്കൂളിനുമാണ് അവധി പ്രഖ്യാപിച്ചത്.
കണ്ണൂര് ജില്ലയിലെ സ്റ്റേറ്റ്, സിബിഎസ്ഇ, ഐസിഎസ്സി സ്കൂളുകള്, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് നാളെ ജില്ലാ കലക്ടര് അവധി പ്രഖ്യാപിച്ചു. കോളജുകള്ക്ക് നാളത്തെ അവധി ബാധകമല്ല. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
കണ്ണൂര് ജില്ലയിലെ മിക്ക പ്രദേശങ്ങളിലും കഴിഞ്ഞ 24 മണിക്കൂറില് അതിശക്തമായ മഴ രേഖപ്പെടുത്തിയിട്ടുണ്ട്. കാലവര്ഷക്കാറ്റ് ശക്തിപ്രാപിക്കുന്നതിനാല് നാളെ അതി തീവ്രമഴയ്ക്കുള്ള ഓറഞ്ച് അലേര്ട്ട് മുന്നറിയിപ്പ് കേന്ദ്ര കാലാവസ്ഥാ വകുപ്പ് ജില്ലയ്ക്ക് നല്കിയിട്ടുണ്ട്. ഈ സാഹചര്യത്തില് മുന്കരുതല് എന്ന നിലയില് ജില്ലയിലെ സ്റ്റേറ്റ്, സിബിഎസ്ഇ, ഐസിഎസ് സി സ്കൂളുകള് കേന്ദ്രീയ വിദ്യാലയങ്ങള്, അങ്കണവാടികള്, മദ്റസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് നാളെ ജില്ലാ കലക്ടര് അവധി പ്രഖ്യാപിച്ചു. അവധി മൂലം നഷ്ട്ടപ്പെടുന്ന പഠനസമയം ക്രമീകരിക്കാന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണ്. കോളജുകള്ക്ക് നാളത്തെ അവധി ബാധകമല്ല. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ലെന്നും അറിയിപ്പില് വ്യക്തമാക്കി.
യുഎസിന്റെ ആളില്ലാ ചാരവിമാനം വീണ്ടും വെടിവച്ചിട്ടെന്ന് ഹൂതികള്; വീഡിയോ ...
16 Sep 2024 12:59 PM GMTരാഹുലിന്റെ നാവറുക്കുന്നവര്ക്ക് 11 ലക്ഷം രൂപ പാരിതോഷികം പ്രഖ്യാപിച്ച്...
16 Sep 2024 12:47 PM GMTസ്കൂട്ടര് അപകടത്തില് മൂന്നു വയസ്സുകാരനടക്കം രണ്ട് മരണം
16 Sep 2024 11:54 AM GMTദക്ഷിണ കന്നഡയില് നബിദിന റാലി തടയാന് വിഎച്ച്പി ശ്രമം; സംഘര്ഷാവസ്ഥ
16 Sep 2024 11:50 AM GMTവാര്ത്താ ആക്രമണം തടയണം; മുഖ്യമന്ത്രിക്കെതിരേ ഡബ്ല്യുസിസി
16 Sep 2024 7:23 AM GMTട്രംപിനെതിരേ വീണ്ടും വധശ്രമം; എഫ് ബിഐ അന്വേഷിക്കുന്നു
16 Sep 2024 7:12 AM GMT
