Sub Lead

'ഒരു പെണ്‍കുട്ടിക്ക് പകരം 10 മുസ് ലിം പെണ്‍കുട്ടികളെ തട്ടിക്കൊണ്ട് പോകും'; വീണ്ടും വിദ്വേഷ പ്രസംഗവുമായി ശ്രീരാം സേന നേതാവ് (വീഡിയോ)

ഒരു പെണ്‍കുട്ടിക്ക് പകരം 10 മുസ് ലിം പെണ്‍കുട്ടികളെ തട്ടിക്കൊണ്ട് പോകും;  വീണ്ടും വിദ്വേഷ പ്രസംഗവുമായി ശ്രീരാം സേന നേതാവ് (വീഡിയോ)
X

മംഗളൂരു: മുസ് ലിം പെണ്‍കുട്ടികള്‍ക്കെതിരേ വംശീയ ആക്രമണത്തിന് ആഹ്വാനം ചെയ്ത് ശ്രാരാം സേന നേതാവ് പ്രമോദ് മുത്തലിഖ്. ഞങ്ങളുടെ ഒരു പെണ്‍കുട്ടിക്ക് പകരം 10 മുസ് ലിം പെണ്‍കുട്ടികളെ തട്ടിക്കൊണ്ടുപോകുമെന്നാണ് ശ്രീരാം സേന നേതാവ് പരസ്യമായി പ്രഖ്യാപിച്ചത്.

നിങ്ങള്‍ നിങ്ങളുടെ യുവാക്കള്‍ക്ക് മുന്നറിയിപ്പ് നല്‍കണം. ഇല്ലെങ്കില്‍ ഞങ്ങളുടെ ഒരു പെണ്‍കുട്ടിയെ കൊണ്ടു പോയാല്‍ നിങ്ങളുടെ 10 മുസ് ലിം പെണ്‍കുട്ടികളെ തട്ടിക്കൊണ്ട് പോകും. ജയ് ശ്രീരാം വിളികളോടേയാണ് സംഘപരിവാര്‍ പ്രവര്‍ത്തകര്‍ ഈ പ്രഖ്യാപനത്തെ വരവേറ്റത്. പ്രണയ വിവാഹങ്ങള്‍ക്കെതിരേയായിരുന്നു മുത്തലിഖിന്റെ പ്രസംഗം. 'മുത്തലിഖ് ഒരു സന്യാസിയായിരിക്കാം. മുത്തലിഖ് അവിവാഹിതനായിരിക്കാം. എന്നാല്‍, നമ്മുടെ ആണ്‍കുട്ടികള്‍ അങ്ങനെയല്ല'. ശ്രീരാം സേന നേതാവ് പറഞ്ഞു.

കഴിഞ്ഞ ദിവസം യുപിയിലും ഒരു ഹിന്ദുത്വ സന്യാസി മുസ് ലിം സ്ത്രീകളെ ബലാല്‍സംഗം ചെയ്യണമെന്ന് ആഹ്വാനം ചെയ്തിരുന്നു. പ്രതിഷേധം ശക്തമായതിനെ തുടര്‍ന്ന് ഇയാളെ പിന്നീട് യുപി പോലിസ് അറസ്റ്റ് ചെയ്തു. രാജ്യവ്യാപകമായി മുസ് ലിംകള്‍ക്കെതിരേ വിദ്വേഷ പ്രചാരണം ശക്തമാകുന്നതിനിടേയാണ് സ്ത്രീകള്‍ക്കെതിരായ ബലാല്‍സംഗ ആഹ്വാനം.

Next Story

RELATED STORIES

Share it