പ്രസ്ക്ലബില് മാധ്യമപ്രവര്ത്തകനെ ഭീഷണിപ്പെടുത്തിയ സംഭവത്തില് സെന്കുമാറിനെതിരേ കേസെടുത്തു
തിരുവനന്തപുരം പ്രസ്ക്ലബില് നടത്തിയ വാര്ത്താ സമ്മേളനത്തിനിടെ മാധ്യമപ്രവര്ത്തകനെ സംഘം ചേര്ന്ന് ഭീഷണിപ്പെടുത്തിയതിനാണ് കേസ്. മാധ്യമ പ്രവര്ത്തകനായ കടവില് റഷീദിന്റെ പരാതിയില് ടിപി സെന്കുമാറിനൊപ്പം വാര്ത്താ സമ്മേളനത്തില് പങ്കെടുത്ത സുഭാഷ് വാസുവിനെതിരേയും കേസ് എടുത്തിട്ടുണ്ട്.
തിരുവനന്തപുരം: പ്രസ് ക്ലബില് മാധ്യമപ്രവര്ത്തകനെ ഭീഷണിപ്പെടുത്തിയ സംഭവത്തില് മുന് ഡിജിപി ടിപി സെന്കുമാറിനെതിരേ കണ്ഡോണ്മെന്റ് പോലിസ് കേസെടുത്തു. തിരുവനന്തപുരം പ്രസ്ക്ലബില് നടത്തിയ വാര്ത്താ സമ്മേളനത്തിനിടെ മാധ്യമപ്രവര്ത്തകനെ സംഘം ചേര്ന്ന് ഭീഷണിപ്പെടുത്തിയതിനാണ് കേസ്. മാധ്യമ പ്രവര്ത്തകനായ കടവില് റഷീദിന്റെ പരാതിയില് ടിപി സെന്കുമാറിനൊപ്പം വാര്ത്താ സമ്മേളനത്തില് പങ്കെടുത്ത സുഭാഷ് വാസുവിനെതിരേയും കേസ് എടുത്തിട്ടുണ്ട്.
വെള്ളാപ്പള്ളി നടേശനെതിരായ വാര്ത്താസമ്മേളനത്തിനിടെയാണ് കേസിനാസ്പദമായ സംഭവം. സെന്കുമാറിനെ ഡിജിപിയാക്കിയത് തനിക്ക് പറ്റിയ ഒരു പാതകമാണെന്ന ചെന്നിത്തലയുടെ പരാമര്ശം സൂചിപ്പിച്ചു കൊണ്ടുള്ള ചോദ്യത്തില് ക്ഷുഭിതനായ ടി പി സെന്കുമാര് മാധ്യമ പ്രവര്ത്തകനോട് തട്ടിക്കയറുകയായിരുന്നു. താങ്കള് ഡിജിപിയായിരുന്നപ്പോള് ഈ വിഷയത്തില് എന്ത് ചെയ്തുവെന്ന് കൂടി ചോദിച്ചപ്പോള് സെന്കുമാര് പൊട്ടിത്തെറിക്കുകയായിരുന്നു.
കടവില് റഷീദിനെ ഡയസിന് സമീപത്തേക്ക് വിളിച്ച് വരുത്തിയ ടി പി സെന്കുമാര് ചോദ്യം ചോദിച്ചതിന്റെ പേരില് വ്യക്തിപരമായി അധിക്ഷേപിക്കുകയും ചെയ്തു. ഒപ്പമുണ്ടായിരുന്ന ആളുകള് കടവില് റഷീദിനെ പിടിച്ച് തള്ളാന് ശ്രമിക്കുകയും ചെയ്തു. മാധ്യമപ്രവര്ത്തകരുടെ സമയോചിതവും സംയമനത്തോടെയും ഉള്ള ഇടപെടല് കൊണ്ടാണ് പ്രശ്നം വഷളാകാതിരുന്നതെന്ന് പറഞ്ഞ പത്രപ്രവര്ത്തക യൂണിയന് സംഭവത്തില് കടുത്ത പ്രതിഷേധം രേഖപ്പെടുത്തുകയും ചെയ്തിരുന്നു. സെന്കുമാറിനും സുഭാഷ് വാസുവിനും പുറമെ കണ്ടാലറിയാവുന്ന എട്ട് പേര്ക്കെതിരെയും കണ്ഡോണ്മെന്റ് പോലിസ് കേസ് എടുത്തിട്ടുണ്ട്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT