കല്‍ക്കാജി ജമാ മസ്ജിദിനെ നിയമവിരുദ്ധമായി പ്രഖ്യാപിക്കണമെന്ന് ഹരജി

ന്യൂഡല്‍ഹി: ഡല്‍ഹിയിലെ കല്‍ക്കാജി ജമാ മസ്ജിനെതിരെ ഹിന്ദുത്വര്‍ ഹൈക്കോടതിയെ സമീപിച്ചു. സര്‍ക്കാര്‍ ഉടമസ്ഥതയിലുള്ള ഭൂമി കൈയ്യേറി പള്ളി നിര്‍മിച്ചെന്ന് ആരോപിച്ച് പ്രീത് സിങ് സിരോഹി എന്നയാളാണ് ഹരജി നല്‍കിയത്. പള്ളിയും കൂടെയുള്ള മദ്‌റസയും നിയമവിരുദ്ധമാണെന്ന് പ്രഖ്യാപിക്കണമെന്നാണ് ഹരജിയിലെ ആവശ്യം. തുര്‍ക്ക്മാന്‍ ഗേറ്റിലെ കൈയ്യേറ്റങ്ങള്‍ ഒഴിപ്പിക്കണമെന്നാവശ്യപ്പെട്ട് നല്‍കിയ ഹരജിയും നിലവില്‍ ഹൈക്കോടതിയുടെ പരിഗണനയിലുണ്ട്.