രജിസ്റ്റര് വിവാഹം ചെയ്യുന്നവരുടെ വിവരങ്ങള് ഓണ്ലൈനില് മുന്കൂട്ടി അറിയാം
സ്വന്തം ആധാരം മാത്രമല്ല മറ്റുള്ളവരുടെ ആധാരങ്ങളും ആര്ക്കും പണമടച്ച് ഓണ്ലൈനായി കാണാനുള്ള സംവിധാനവും രജിസ്ട്രേഷന് വകുപ്പ് ആരംഭിച്ചു.
കണ്ണൂര്: പ്രത്യേക വിവാഹനിയമപ്രകാരം രജിസ്ട്രാര് ഓഫിസില് വിവാഹിതരാകുന്നവരുടെ വിവരങ്ങള് ഇനി ഓണ്ലൈനായി മുന്കൂട്ടി അറിയാന് പറ്റും. സ്വന്തം ആധാരം മാത്രമല്ല മറ്റുള്ളവരുടെ ആധാരങ്ങളും ആര്ക്കും പണമടച്ച് ഓണ്ലൈനായി കാണാനുള്ള സംവിധാനവും രജിസ്ട്രേഷന് വകുപ്പ് ആരംഭിച്ചു.
പ്രത്യേക വിവാഹനിയമപ്രകാരം രജിസ്ട്രാറോഫിസില് വിവാഹം ചെയ്യുന്നവരുടെ വിവരങ്ങള് സാധാരണ ഒരുമാസത്തോളം നോട്ടീസ് ബോര്ഡിലിടും. പലപ്പോഴും ഇത് കീറിക്കളയാനും സാധ്യതയുണ്ട്. ഇനി ഇത്തരം രജിസ്റ്റര് വിവാഹങ്ങളുടെ നോട്ടീസ് വിവരങ്ങള് ആര്ക്കും ഓണ്ലൈനായി അറിയാം. വധൂവരന്മാരുടെ ഫോട്ടോയും ഉണ്ടാവും. കാണാതായ യുവതീയുവാക്കള് രജിസ്റ്റര്വിവാഹം കഴിച്ചോ എന്നറിയാനും ഇതുവഴി കഴിയും. ഇതിന്റെ വിവരങ്ങള് അറിയാന് പ്രത്യേക ഫീസില്ല.
ആധാരം രജിസ്ട്രേഷന് ഓണ്ലൈനായതോടെ കോപ്പികള് സ്കാന്ചെയ്തു സൂക്ഷിക്കുന്നുണ്ട്. ഇവ കാണണമെങ്കില് രജിസ്ട്രേഷന്റെ വെബ്സൈറ്റില് ആധാരത്തിന്റെ നമ്പര് അടിച്ചുകൊടുത്താല് മതി. ദാനാധാരം, ഒഴിമുറി, ഭാഗപത്രം, ധനനിശ്ചയാധാരം തുടങ്ങി എല്ലാ ആധാരങ്ങളും കാണാം.
അതേസമയം ഒസ്യത്ത്, മുക്ത്യാര് എന്നിവ കാണാന് പറ്റില്ല. ആധാരത്തിന്റെ ആദ്യപേജ് മാത്രമേ സൗജന്യമായി കാണാന്പറ്റൂ. ബാക്കി കാണണമെങ്കില് നൂറുരൂപ ഓണ്ലൈനായി അടയ്ക്കണം. 15 ദിവസംവരെ സ്കാന് കോപ്പികള് സൈറ്റില് ഉണ്ടാവും. പ്രിന്റ് എടുക്കാനോ ഡൗണ്ലോഡ് ചെയ്തു സേവ് ചെയ്യാനോ പറ്റില്ല. സഹകരണ ബാങ്കുകള്ക്കും മറ്റും ലോണ് എടുക്കുന്ന വ്യക്തിയുടെ ആധാരവിവരങ്ങള് അറിയുന്നത് ഇതോടെ കൂടുതല് എളുപ്പമാകും.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
