വ്യാജരേഖ ചമച്ച് തിരഞ്ഞെടുപ്പില് മല്സരിച്ചെന്ന് പരാതി; സിപിഎം വാര്ഡ് അംഗത്തിനെതിരേ ജാമ്യമില്ലാ കേസ്
കടയ്ക്കല്: വ്യാജരേഖ ചമച്ച് വോട്ടര് പട്ടികയില് പേരുചേര്ത്ത ശേഷം പഞ്ചായത്ത് തിരഞ്ഞെടുപ്പില് മല്സരിച്ചെന്ന പരാതിയില് സിപിഎം വാര്ഡ് അംഗത്തിനെതിരേ പോലിസ് ജാമ്യമില്ലാ വകുപ്പ് പ്രകാരം കേസെടുത്തു. കൊല്ലം ചിതറ പഞ്ചായത്തിലെ മാങ്കോട് വാര്ഡ് മെംബറും സിപിഎം നേതാവുമായ അമ്മൂട്ടി മോഹനനെതിരേയാണ് ഹൈക്കോടതി നിര്ദേശപ്രകാരം കേസെടുത്തത്. ക്രമക്കേടിനു കൂട്ടുനിന്ന രണ്ട് പഞ്ചായത്ത് ജീവനക്കാര്ക്കെതിരെയും കേസുണ്ട്.
മാങ്കോട് വാര്ഡിലെ താമസക്കാരനായിരുന്നില്ല മോഹനന്. എന്നാല്, തിരഞ്ഞെടുപ്പ് അടുത്തപ്പോള് വ്യാജരേഖകളുടെ സഹായത്തോടെ മോഹനന് മാങ്കോട് വാര്ഡിലെ വോട്ടര് പട്ടികയില് പേരുചേര്ക്കുകയായിരുന്നു എന്നാണ് പരാതി. ബിജെപി സ്ഥാനാര്ഥി മനോജ് കുമാര് ഇലക്ഷന് കമ്മീഷനെയും പോലിസിനെയും സമീപിച്ചെങ്കിലും നടപടിയുണ്ടായില്ല. തുടര്ന്നാണ് ഹൈക്കോടതിയെ സമീപിച്ചതും ഹൈക്കോടതി കേസെടുക്കാന് പോലിസിന് നിര്ദേശം നല്കിയതും.
ക്രമക്കേടിന് കൂട്ടുനിന്നുവെന്ന ആരോപണമുയര്ന്ന പഞ്ചായത്ത് സെക്രട്ടറി സുനിലിനും യുഡി ക്ലാര്ക്ക് ബിനുവിനുമെതിരേയാണ് കേസെടുത്തത്. സംഭവം നടന്ന സമയത്ത് താനായിരുന്നില്ല ചുമതലയിലെന്നാണ് സെക്രട്ടറിയുടെ വിശദീകരണം. എന്തെങ്കിലും പിഴവുണ്ടായിട്ടുണ്ടെങ്കില് അത് ക്ലറിക്കല് പിഴവാകാനാണ് സാധ്യതയെന്നും താന് രേഖകളില് കൃത്രിമം നടത്തിയിട്ടില്ലെന്നും അമ്മൂട്ടി മോഹനനും വിശദീകരിക്കുന്നു.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT