മണല്ക്കടത്ത് സംഘവുമായി ബന്ധം; കണ്ണൂര് റേഞ്ചിലെ ഏഴു പോലിസുകാരെ സര്വീസില്നിന്ന് പിരിച്ചുവിട്ടു
കണ്ണൂര്: മണല്ക്കടത്ത് സംഘവുമായി ബന്ധം സ്ഥാപിക്കുകയും പോലിസ് നീക്കങ്ങള് ചോര്ത്തി നല്കുകയും ചെയ്തതിന് കണ്ണൂര് റേഞ്ചിലെ ഏഴ് പോലിസുകാരെ സര്വീസില് നിന്ന് പുറത്താക്കി. രണ്ട് ഗ്രേഡ് എ എസ് ഐ മാര്ക്കും അഞ്ചു സിവില് പോലിസ് ഓഫിസര്മാര്ക്കുമെതിരേയാണ് കണ്ണൂര് റേഞ്ച് ഡിഐജി പുട്ട വിമലാദിത്യ നടപടിയെടുത്തത്. ഗ്രേഡ് എ എസ് ഐ മാരായ ജോയ് തോമസ് പി (കോഴിക്കോട് റൂറല്), ഗോകുലന് സി (കണ്ണൂര് റൂറല്), സിവില് പോലീസ് ഓഫീസര്മാരായ നിഷാര് പി എ (കണ്ണൂര് സിറ്റി), ഷിബിന് എം വൈ (കോഴിക്കോട് റൂറല്), അബ്ദുള് റഷീദ് ടി.എം (കാസര്ഗോഡ്), ഷെജീര് വി എ (കണ്ണൂര് റൂറല്), ഹരികൃഷ്ണന് ബി (കാസര്ഗോഡ്) എന്നിവരെയാണ് സര്വീസില് നിന്ന് നീക്കം ചെയ്തത്. ഗുരുതരമായ അച്ചടക്ക ലംഘനം, കൃത്യവിലോപം, പെരുമാറ്റദൂഷ്യം, പോലിസിന്റെ സല്പേരിന് കളങ്കം ചാര്ത്തല് എന്നിവ ചെയ്തതായി ബോധ്യപ്പെട്ടതിന്റെ അടിസ്ഥാനത്തിലാണ് നടപടിയെന്നാണ് വിശദീകരണം. മണല്ക്കടത്ത് സംഘങ്ങള്ക്ക് സഹായകരമായ രീതിയില് പ്രവര്ത്തിച്ചതിനും മുതിര്ന്ന പോലിസ് ഓഫീസര്മാരുടെ നീക്കങ്ങളും ലൊക്കേഷനും മറ്റും ചോര്ത്തി നല്കിയെന്നും കണ്ടെത്തിയതിനെത്തുടര്ന്നാണ് നടപടി. ഇക്കഴിഞ്ഞ ജനുവരിയില് ഗുണ്ടാസംഘങ്ങളുമായും മണല്ക്കടത്ത് സംഘങ്ങളുമായും ബന്ധം പുലര്ത്തിയ മംഗലപുരം സ്റ്റേഷനിലെ 31 പോലിസുകാരെ സ്ഥലംമാറ്റിയിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
