പെരിയ ഇരട്ടക്കൊല: പാര്ട്ടിക്ക് പങ്കില്ല; പീതാംബരന്റെ ഭാര്യയുടെ പ്രതികരണം മനോവിഷമംകൊണ്ടെന്നും കോടിയേരി
പാര്ട്ടി പറഞ്ഞിട്ടാണ് കൊലപാതകങ്ങള് നടത്തിയതെന്ന് ഭാര്യയോട് ഭര്ത്താവ് പറഞ്ഞിട്ടുണ്ടാവാം. എന്നാല് പാര്ട്ടി അത്തരമൊരു തീരുമാനം എടുത്തിട്ടില്ല.ഇത്തരം കാര്യങ്ങള് ചെയ്യുന്നവരൊക്കെ ഇത് പാര്ട്ടി തീരുമാനമാണ് എന്നുപറഞ്ഞ് ചെയ്യും. ചെയ്യുന്ന ആള് വിചാരിക്കുന്നത് താനാണ് പാര്ട്ടി എന്നാണ്. അവരല്ല പാര്ട്ടി. പാര്ട്ടി എന്ന നിലയില് അങ്ങനെയൊരു തീരുമാനം ഉണ്ടായിട്ടില്ല. ഇക്കാര്യം അവിടുത്തെ ലോക്കല് കമ്മിറ്റിയും ഏരിയാ കമ്മിറ്റിയും ജില്ലാ കമ്മിറ്റിയും വ്യക്തമാക്കിയിട്ടുണ്ട്.
കാസര്കോട്: പെരിയ ഇരട്ടകൊലപാതകങ്ങളില് പാര്ട്ടിക്ക് പങ്കില്ലെന്നും ഭര്ത്താവ് കേസില് പെട്ട വിഷമത്തിലായിരിക്കാം പീതാംബരന്റെ ഭാര്യയുടെ പ്രതികരണമെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. പീതാംബരന് കൊലപാതകത്തില് പങ്കില്ലെന്നും മറ്റാര്ക്കോ വേണ്ടി കുറ്റം ഏറ്റെടുക്കുകയായിരുന്നെന്നുമുള്ള പീതാംബരന്റെ ഭാര്യ മഞ്ജുവിന്റെ വെളിപ്പെടുത്തലിനോട് പ്രതികരിക്കുകയായിരുന്നു അദ്ദേഹം.
പാര്ട്ടി പറഞ്ഞിട്ടാണ് കൊലപാതകങ്ങള് നടത്തിയതെന്ന് ഭാര്യയോട് ഭര്ത്താവ് പറഞ്ഞിട്ടുണ്ടാവാം. എന്നാല് പാര്ട്ടി അത്തരമൊരു തീരുമാനം എടുത്തിട്ടില്ല.ഇത്തരം കാര്യങ്ങള് ചെയ്യുന്നവരൊക്കെ ഇത് പാര്ട്ടി തീരുമാനമാണ് എന്നുപറഞ്ഞ് ചെയ്യും. ചെയ്യുന്ന ആള് വിചാരിക്കുന്നത് താനാണ് പാര്ട്ടി എന്നാണ്. അവരല്ല പാര്ട്ടി. പാര്ട്ടി എന്ന നിലയില് അങ്ങനെയൊരു തീരുമാനം ഉണ്ടായിട്ടില്ല. ഇക്കാര്യം അവിടുത്തെ ലോക്കല് കമ്മിറ്റിയും ഏരിയാ കമ്മിറ്റിയും ജില്ലാ കമ്മിറ്റിയും വ്യക്തമാക്കിയിട്ടുണ്ട്.
പീതാംബരന് കൊലക്കേസില് ഉള്പ്പെട്ടപ്പോള് വീട്ടുകാര്ക്ക് വിഷമമുണ്ടായിട്ടുണ്ടാകും. അതില്നിന്നുണ്ടാകുന്ന ഒരു അഭിപ്രായപ്രകടനം എന്നല്ലാതെ അതിന് വലിയ പ്രാധാന്യം കൊടുക്കേണ്ടതായിട്ടില്ലെന്നും അദ്ദേഹം പറഞ്ഞു.
യൂത്ത് കോണ്ഗ്രസ് പ്രവര്ത്തകരായ കൃപേഷിന്റെയും ശരത്തിന്റെയും കൊലപാതകവുമായി ബന്ധപ്പെട്ട് കഴിഞ്ഞ ദിവസമാണ് സിപിഎം പെരിയ ലോക്കല് കമ്മിറ്റി അംഗമായ പീതാംബരനെ അറസ്റ്റ് ചെയ്തത്.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT