പിഞ്ചുകുഞ്ഞിനെ അമ്മ കടല്ഭിത്തിയിലെറിഞ്ഞു കൊന്ന കേസ്; ഞെട്ടിപ്പിക്കുന്ന വിവരങ്ങളുമായി പോലിസ് കുറ്റപത്രം
നാടിനെ നടുക്കിയ കൊലപാതകത്തില് പരമാവധി തെളിവുകളെല്ലാം ശേഖരിച്ചാണ് പോലിസ് അന്വേഷണം പൂര്ത്തിയാക്കിയത്.
കണ്ണൂര്: തയ്യിലില് പിഞ്ചുകുഞ്ഞിനെ കടല്ഭിത്തിയിലെറിഞ്ഞു കൊന്ന കേസില് അമ്മ ശരണ്യയ്ക്കും കാമുകനുമെതിരേ ഒരാഴ്ചക്കകം കുറ്റപത്രം കണ്ണൂര് ഡിവൈഎസ്പി. കുറ്റപത്രത്തില് ഞെട്ടിപ്പിക്കുന്ന വിവരങ്ങളാണ് ഉള്ളത്. നാടിനെ നടുക്കിയ കൊലപാതകത്തില് പരമാവധി തെളിവുകളെല്ലാം ശേഖരിച്ചാണ് പോലിസ് അന്വേഷണം പൂര്ത്തിയാക്കിയത്.
കഴിഞ്ഞ ഫെബ്രുവരി 17ന് പുലര്ച്ചെ മൂന്നരക്ക് ഉറങ്ങിക്കിടക്കുന്ന കുഞ്ഞിനെ എടുത്ത് ശരണ്യ കടല്ക്കരയിലേക്ക് കൊണ്ടുപോയി. രണ്ട് തവണ കടല്ഭിത്തിയിലേക്ക് വലിച്ചെറിഞ്ഞ് മരണമുറപ്പാക്കിയ ശേഷം തിരിച്ചുവന്ന് കിടന്നുറങ്ങി. ഭര്ത്താവിനെ കുടുക്കുക എന്ന ലക്ഷ്യത്തോടെയായായിരുന്നു ഈ ക്രൂരകൃത്യം.
നാടിനെ നടുക്കിയ കൊലപാതകം നടന്ന് മൂന്നുമാസം ആകുമ്പോഴാണ് കേസില് പൊലീസ് കുറ്റപത്രം നല്കുന്നത്.
അന്വേഷണ സംഘത്തെ വലയ്ക്കുന്ന തരത്തിലായിരുന്നു കസ്റ്റഡിയില് ശരണ്യയുടെ ആദ്യത്തെ മൊഴി. ശരണ്യയുടെ പങ്കിനെക്കുറിച്ച് സംശയം പ്രകടിപ്പിച്ച ചോദ്യങ്ങളില് നിന്നെല്ലാം ഒഴിഞ്ഞുമാറി. മൂന്നു മാസത്തിന് ശേഷം വീട്ടില് വന്ന് അന്ന് തങ്ങണമെന്ന് നിര്ബന്ധം പിടിച്ച് ഭര്ത്താവാണ് കൊല നടത്തിയതെന്നതായിരുന്നു ശരണ്യയുടെ വാദം. ഭര്ത്താവിനൊപ്പം കിടത്തിയ ശേഷമാണ് കുഞ്ഞിനെ കാണാതായത് എന്നായിരുന്നു വാദം.
എന്നാല് ശാസ്ത്രീയമായ ചോദ്യം ചെയ്യലിലാണ് പ്രതി കുറ്റം സമ്മതിക്കാന് തയ്യാറായത്. 8 മണിക്കൂറുകളിലധികം നീണ്ടിട്ടും ശരണ്യ കുറ്റം സമ്മതിക്കാന് തയാറായിരുന്നില്ല. ചോദ്യം ചെയ്യലിനിടെ 17 തവണ കാമുകന് നിധിന്റെ ഫോണ് വന്നത് വഴിത്തിരിവായി.
ശരണ്യയുമൊത്തുള്ള സ്വകാര്യ ദൃശ്യങ്ങള് ഫോണില് പകര്ത്തിയിട്ടുണ്ടെന്നും ഇത് ഭര്ത്താവിനെ കാണിക്കുമെന്ന് നിതിന് ഭീഷണിപ്പെടുത്തിയിരുന്നതായും എന്നാല് ഇയാള്ക്ക് കൊലപാതകത്തില് നേരിട്ട് പങ്കില്ലെന്നും കുറ്റപത്രത്തിലുള്ളതായാണ് സൂചന.
RELATED STORIES
ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMT