കെ എം മാണിക്ക് പാലായുടെ മടിത്തട്ടില് അന്ത്യനിദ്ര
കര്ദിനാള് ബസേലിയോസ് ക്ലിമീസ് ബാവ അന്ത്യകര്മങ്ങള്ക്ക് കാര്മികത്വം വഹിച്ചു
കോട്ടയം: ഒഴുകിയെത്തിയ ജനസാഗരം സാക്ഷി, പാലായുടെ മാണിക്യമെന്നറിയപ്പെടുന്ന കെ എം മാണിക്ക് പാലായുടെ മടിത്തട്ടില് അന്ത്യനിദ്ര. കേരള കോണ്ഗ്രസ്(എം) ചെയര്മാന് കെ എം മാണിയുടെ മൃതശരീരം പാലാ സെന്റ് തോമസ് കത്രീഡല് സെമിത്തേരിയില് ഔദ്യോഗിക ബഹുമതികളോടെ സംസ്കരിച്ചു. മാണിസാറിനെ അവസാനമായി ഒരുനോക്ക് കാണാന് നാടിന്റെ നാനാദിക്കുകളില് നിന്നും പതിനായിരങ്ങളാണെത്തിയത്. കര്ദിനാള് ബസേലിയോസ് ക്ലിമീസ് ബാവ അന്ത്യകര്മങ്ങള്ക്ക് കാര്മികത്വം വഹിച്ചു. മാര് ജോസഫ് കല്ലറങ്ങാട്ട്, ആര്ച്ച് ബിഷപ്പ് സൂസെപാക്യം തുടങ്ങിയവര് പങ്കെടുത്തു. അന്ത്യ ശുശ്രൂഷകള്ക്കു ശേഷം സെമിത്തേരിയിലേക്ക് കൊണ്ടുപോയി. കേരള പോലിസ് ആചാരവെടി മുഴക്കി. ഭാര്യ കുട്ടിയമ്മ ഉള്പ്പെടുള്ളവര് ന്ത്യചുംബനം നല്കുകയും പാര്ട്ടി പതാക പുതപ്പിക്കുകയും ചെയ്തു. തുടര്ന്ന് പാര്ട്ടി പ്രവര്ത്തകരുടെ മുദ്രാവാക്യം വിളികളോടെ കെ എം മാണിയുടെ മൃതദേഹം സെമിത്തേരിയിലെ കുടുംബ കല്ലറയില് സംസ്കരിച്ചു. വ്യാഴാഴ്ച വൈകീട്ട് 4.30ഓടെയാണ് മാണിയുടെ മൃതദേഹം പാലാ സെന്റ് തോമസ് കത്തീഡ്രലില് എത്തിച്ചത്. പ്രിയനേതാവിനെ ഒരുനോക്കു കാണാനെത്തിയവരുടെ ബാഹുല്യം കാരണം ഏറെ വൈകിയാണ് വിലാപയാത്ര പള്ളിയിലെത്തിയത്.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT