സുമാത്രയില് അതിശക്തമായ ഭൂചലനം; ഏഴുപേര് മരിച്ചു, 85 പേര്ക്ക് പരിക്ക്
സുമാത്ര: ഇന്തോനേസ്യയിലെ സുമാത്രയില് അതിശക്തമായ ഭൂചലനം. ഏഴുപേര് മരിച്ചു. 85 പേര്ക്കു പരിക്കേറ്റു. അയല് രാജ്യങ്ങളായ മലേസ്യയിലും സിംഗപ്പൂരിലും ചലനം അനുഭവപ്പെട്ടു.
പടിഞ്ഞാറന് സുമാത്രന് പ്രവിശ്യയിലെ മലയോര പട്ടണമായ ബുകിട്ടിങ്ങിയില് അനുഭവപ്പെട്ട ഭൂചലനം റിക്ടര് സ്കെയിലില് 6.2 തീവ്രത രേഖപ്പെടുത്തിയതായി യുഎസ് ജിയോളജിക്കല് സര്വേ അറിയിച്ചു.
പടിഞ്ഞാറന് സുമാത്ര പ്രവിശ്യയിലെ മലയോര പട്ടണമായ ബുക്കിട്ടിങ്ങിയില്നിന്ന് 66 കിലോമീറ്റര് വടക്ക്വടക്കുപടിഞ്ഞാറ് ഭാഗത്ത് ഭൂമിയുടെ ഉപരിതലത്തില്നിന്ന് 12 കിലോമീറ്റര് താഴെയാണ് ഇതിന്റെ പ്രഭവകേന്ദ്രം.
സുനാമി ഭീഷണിയില്ലെങ്കിലും തുടര്ചലനങ്ങള് ഉണ്ടായേക്കാമെന്ന മുന്നറിയിപ്പുണ്ട്. കൃത്യമായ നാശനഷ്ടം വിലയിരുത്തിയിട്ടില്ല. അഞ്ഞൂറിനടുത്ത് ഭവനങ്ങള്ക്കും കെട്ടിടങ്ങള്ക്കും കേടുപാടുണ്ടായി. പസമാന് ജില്ലയില് രണ്ട് കുട്ടികളടക്കം നാല് പേരും അയല് ജില്ലയായ വെസ്റ്റ് പസമാനില് മൂന്ന് പേരുമാണ് മരിച്ചത്. പ്രഭവകേന്ദ്രത്തിന് സമീപം ഡസന് കണക്കിന് വീടുകളും കെട്ടിടങ്ങളും തകര്ന്നതായി ദേശീയ ദുരന്ത നിവാരണ ഏജന്സി വക്താവ് അബ്ദുല് മുഹാരി സ്ഥിരീകരിച്ചു.
പസമാന്, പടിഞ്ഞാറന് പാസമാന് ജില്ലകളിലെ നാശം വിതച്ച പ്രദേശങ്ങളില്നിന്ന് 5000 പേര് വീടുകള് ഉപേക്ഷിച്ച് താല്ക്കാലിക അഭയകേന്ദ്രങ്ങളിലേക്കു മാറി.
അപകടത്തില്പ്പെട്ടവര്ക്കായി തിരച്ചിലും രക്ഷാപ്രവര്ത്തനങ്ങളിലും ഞങ്ങള് ഇപ്പോഴും ശ്രദ്ധകേന്ദ്രീകരിക്കുകയാണ്- അബ്ദുല് മുഹാരി പറഞ്ഞു. സുനാമി അപകടഭീഷണിയില്ലെന്ന് ഇന്തോനേസ്യയിലെ കാലാവസ്ഥാ, കാലാവസ്ഥാ, ജിയോഫിസിക്കല് ഏജന്സി മേധാവി ദ്വികൊരിത കര്ണാവതി പറഞ്ഞു.
പടിഞ്ഞാറന് സുമാത്ര പ്രവിശ്യയുടെ തലസ്ഥാനമായ പാഡംഗില് ശക്തമായ പ്രകമ്പനത്തില് പരിഭ്രാന്തരായ ആളുകള് തെരുവിലേക്ക് ഓടി.
വെസ്റ്റ് പസമാനിലെ ഒരു ആശുപത്രിയിലെ രോഗികളെ കെട്ടിടത്തില്നിന്ന് ഒഴിപ്പിക്കുന്നതിന്റെ റിപോര്ട്ടുകള് പുറത്തുവന്നിട്ടുണ്ട്. ഭൂകമ്പത്തെ തുടര്ന്നുണ്ടായ മണ്ണിടിച്ചിലില്നിന്നുള്ള ചെളി നിറഞ്ഞ അരുവികള്, ഒരു പള്ളി, ഒരു സ്കൂള്, നിരവധി വീടുകള് എന്നിവയുടെ ദൃശ്യങ്ങളും പുറത്തുവന്നിട്ടുണ്ട്.
RELATED STORIES
പട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMTഅരുണാചലിൽ മണ്ണിടിച്ചിൽ; ചൈന അതിർത്തിയിലേക്കുള്ള ദേശീയപാത തകർന്നു
25 April 2024 10:51 AM GMT