കേരളം കുടിവെള്ളക്ഷാമത്തിന്റെ പിടിയില്; ഭൂഗര്ഭജലം ആറുമീറ്റര് താഴ്ന്നു
കോഴിക്കോട്: ഭൂഗര്ഭ ജലം ആറുമീറ്റര് താഴ്ന്നതോടെ കേരളത്തില് കുടിവെള്ള ക്ഷാമം രൂക്ഷമാകുമെന്ന് റിപോര്ട്ട്. സംസ്ഥാന ഭൂജലവകുപ്പ് ഏതാനും ദിവസങ്ങള്ക്കുമുമ്പ് പൂര്ത്തിയാക്കിയ ഭൂഗര്ഭജല സാന്നിധ്യ റിപോര്ട്ടിലാണ് അപായമുന്നറിയിപ്പുള്ളത്. സംസ്ഥാനത്ത് ഭൂഗര്ഭജലം രണ്ടുമുതല് ആറുമീറ്റര്വരെ താഴ്ന്നുവെന്നാണ് കണ്ടെത്തല്. തൃശ്ശൂര് ജില്ലയിലെ വരവൂര്, ആര്ത്താറ്റ്, എളനാട്, വടക്കേത്തറ എന്നിവിടങ്ങളിലാണ് ആറുമീറ്റര് വരെ ഭൂഗര്ഭജലം താഴ്ന്നതായി കണ്ടെത്തിയത്. ആദ്യമായാണ് ഇത്തരത്തില് ഭൂഗര്ഭജലം താഴുന്നത്. 14 ജില്ലകളിലുമായി 756 കിണറുകളെയാണ് പഠനവിധേയമാക്കിയത്. ഇതില് 340 കിണറുകള് തുടര്ച്ചയായി നിരീക്ഷിക്കപ്പെട്ടവയാണ്. കടുത്തചൂടും വേനല്മഴയിലെ കുറവും കാലാവസ്ഥാ വ്യതിയാനവുമൊക്കെ ഭൂഗര്ഭജലക്കുറവിന് കാരണമായിട്ടുണ്ട്.
അതേസമയം, തൃശൂര്, കാസര്ഗോഡ്, കോഴിക്കോട്, കണ്ണൂര് ജില്ലകളിലും വയനാട്ടിലെ തിരുനെല്ലി, മുള്ളന്കൊല്ലി, പുല്പ്പള്ളി, പൂത്താടി, നെന്മേനി, നൂല്പ്പുഴ, മേപ്പാടി എന്നീ പ്രദേശങ്ങളിലും കട്ടപ്പന, നെടുങ്കണ്ടം, അഴുത, തൊടുപുഴ, എളംദേശം, ചിറ്റൂര്, ആലത്തൂര്, പട്ടാമ്പി, കോതമംഗലം, കൂത്താട്ടുകുളം, പാമ്പാക്കുട, മൂവാറ്റുപുഴ, പത്തനംതിട്ട, റാന്നി, കോയിപ്പുറം, മാവേലിക്കര, കറ്റാനം, രാമങ്കരി, നങ്ങ്യാര്കുളങ്ങര, മുളക്കുഴ, കാര്ത്തികപ്പള്ളി, മുഖത്തല, കൊട്ടാരക്കര, ചടയമംഗലം, ചിറ്റുമല ബ്ലോക്കുകളിലും കരുനാഗപ്പള്ളി നഗരസഭയിലും കടുത്ത വരള്ച്ചയുണ്ടാകുമെന്ന് പഠനം മുന്നറിയിപ്പ് നല്കുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT