അലര്ട്ട് പ്രഖ്യാപിച്ച ദിവസങ്ങളില് പാലിക്കേണ്ട പൊതുനിര്ദേശങ്ങള്
തിരുവനന്തപുരം: കനത്ത മഴയും പ്രളയസമാന സാഹചര്യവും നിലനില്ക്കുന്നതിനാല് യെല്ലോ, ഓറഞ്ച്, റെഡ് അലര്ട്ടുകള് പ്രഖ്യാപിച്ച ദിവസങ്ങളില് പൊതുജനങ്ങള് പാലിക്കേണ്ട പൊതുനിര്ദേശങ്ങള് കേരള സംസ്ഥാന ദുരന്ത നിവാരണ അതോറിറ്റി പുറത്തിറക്കി.
* ഉരുള്പൊട്ടല് സാധ്യതയുള്ളതിനാല് രാത്രി സമയത്ത്(രാത്രി ഏഴുമുതല് രാവിലെ ഏഴുവരെ) മലയോരമേഖലയിലേക്കുള്ള യാത്ര ഒഴിവാക്കുക
* മലയോര മേഖലയിലെ റോഡുകള്ക്ക് കുറുകെയുള്ള ചെറിയ ചാലുകളിലൂടെ മലവെള്ളപ്പാച്ചിലും ഉരുള്പൊട്ടലും ഉണ്ടാവാന് സാധ്യതയുള്ളതിനാല് ഇത്തരം ചാലുകളുടെ അരികില് വാഹനങ്ങളള് നിര്ത്തരുത്.
* മലയോര മേഖലയിലും ബീച്ചുകളിലും വിനോദ സഞ്ചാരത്തിന് പോവാതിരിക്കുക.
* സാമൂഹിക മാധ്യമങ്ങളിലൂടെ തെറ്റായ വിവരങ്ങള് ഒരു കാരണവശാലും പ്രചരിപ്പിക്കരുത്
* ഒരു കാരണവശാലും നദി മുറിച്ചു കടക്കരുത്
* പാലങ്ങളിലും നദിക്കരയിലും മറ്റും കയറിയുള്ള സെല്ഫിയെടുക്കല് ഒഴിവാക്കുക
* പുഴകളിലും തോടുകളിലും ജലനിരപ്പ് ഉയരാന് സാധ്യതയുണ്ട്. പുഴകളിലും ചാലുകളിലും വെള്ളക്കെട്ടിലും മഴയത്ത് ഇറങ്ങരുത്
* കുട്ടികള് ഇറങ്ങുന്നില്ലെന്ന് മുതിര്ന്നവര് ഉറപ്പുവരുത്തണം
* നദിയില് കുളിക്കുന്നതും തുണി നനയ്ക്കുന്നതും കളിക്കുന്നതും ഒഴിവാക്കുക
* ഔദ്യോഗികമായി ലഭിക്കുന്ന വിവരങ്ങളെല്ലാം വീട്ടില് എല്ലാവരോടും പറയുക
* അടിയന്തര സാഹചര്യത്തില് നിങ്ങള് പുറത്താണെങ്കില് നിങ്ങളെ കാത്തുനില്ക്കേണ്ടതില്ലെന്ന് വീട്ടിലുള്ളവര്ക്ക് നിര്ദേശം നല്കുക
* ടിവിയിലും റേഡിയോയിലും വരുന്ന മുന്നറിയിപ്പുകള് ശ്രദ്ധിക്കുക
* തൊട്ടടുത്തുള്ള ക്യാംപുകളിലേക്ക് ആവശ്യമെങ്കില് മാറിത്താമസിക്കുക. ഓരോ വില്ലേജിലെയും ആളുകള്ക്ക് സുരക്ഷിതമായ സ്ഥാനങ്ങള് അതാതു പ്രാദേശിക ഭരണകൂടങ്ങള് നിങ്ങളെ അറിയിക്കും. അവിടേക്ക് എത്രയും പെട്ടെന്ന് സ്വമേധയാ മാറാന് ശ്രമിക്കുക. സഹായങ്ങള് വേണ്ടവര് അധികൃതരുമായി മടിയൊന്നും കൂടാതെ ബന്ധപ്പെടുക.
* ജലം കെട്ടിടത്തിനുള്ളിലല് പ്രവേശിച്ചാല്, വൈദ്യുതാഘാതം ഒഴിവാക്കാനായി മെയിന് സ്വിച്ച് ഓഫ് ചെയ്യുക
* ജില്ലാ എമര്ജന്സി ഓപറേഷന്സ് സെന്റര് നമ്പരുകള് 1077, ജില്ലയ്ക്കു പുറത്തുനിന്നാണ് വിളിക്കുന്നതെങ്കില് എസ്ടിഡി കോഡ് ചേര്ക്കുക
* പഞ്ചായത്ത് അധികൃതരുടെ ഫോണ് നമ്പര് കൈയ്യില് സൂക്ഷിക്കുക
* വീട്ടില് അസുഖമുള്ളവരോ അംഗപരിമിതരോ ഭിന്നശേഷിക്കാരോ പ്രായമായവരോ കുട്ടികളോ ഉള്ളവര് അവരെ പ്രത്യേകം ശ്രദ്ധിക്കുക
* വെള്ളപ്പൊക്കമുണ്ടായാല് അവരെ ആദ്യം മാറ്റാന് ശ്രമിക്കുക. പ്രത്യേക സഹായം ആവശ്യമെങ്കില് ഇവരെ സംബന്ധിച്ച വിവരം സാമൂഹിക സുരക്ഷാ ഉദ്യോഗസ്ഥരെ അറിയിക്കുക
* വീട്ടില് വെള്ളം കയറിയാലും നശിക്കാത്ത തരത്തില് വൈദ്യുതോപകരണങ്ങള് ഉയരത്തില് വയ്ക്കുക
* വളര്ത്തുമൃഗങ്ങളെ സുരക്ഷിത സ്ഥാനത്തേക്ക് മാറ്റുകയോ അതിനു പറ്റാത്ത അവസ്ഥയില് കെട്ടഴിച്ചു വിടുകയോ ചെയ്യുക. മൃഗങ്ങള്ക്ക് പൊതുവില് നീന്താന് അറിയുമെന്നോര്ക്കുക.
* വാഹനങ്ങള് ഉയര്ന്ന പ്രദേശങ്ങളിലേക്ക് മാറ്റി പാര്ക്ക് ചെയ്യുക
* താഴ്ന്ന പ്രദേശത്തെ ഫഌറ്റുകളിലുള്ളവര് ഫഌറ്റിന്റെ സെല്ലാറില് കാര് പാര്ക്ക് ചെയ്യാതെ കൂടുതല് ഉയര്ന്ന സ്ഥലങ്ങളില് മാറ്റുക
* രക്ഷാപ്രവര്ത്തനങ്ങളില് പരിശീലനം ലഭിച്ചവര് മാത്രം ദുരിതാശ്വാസ സഹായം നല്കാന് പോവുക. മറ്റുള്ളവര് അവര്ക്ക് പിന്തുണ കൊടുക്കുക.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
